Contains strong language
Tail Todle
Oor gudewife held o'er to Fife,
For to buy a coal-riddle;
Lang or she cam back again,
Tammie gart my tail todle.
Tail todle, tail todle;
Tammie gart my tail todle;
At my arse wi diddle doddle,
Tammie gart my tail todle.
When I'm deid I'm oot o' date;
When I'm seek I'm fu' o' trouble;
When I'm weel I step aboot,
An Tammie gars my tail todle;
Tail todle, tail todle;
Tammie gart my tail todle;
At my arse wi diddle doddle,
Tammie gart my tail todle.
Jenny Jack she gae a plack,
Helen Wallace gae a boddle,
Qo the bride, it's o'er little
For to mend a broken doddle.
Tail todle, tail todle;
Tammie gart my tail todle;
At my arse wi diddle doddle,
Tammie gart my tail todle.
