Adarwr sydd yn gyn swyddog gyda'r RSPB cyn troi yn gyflwynydd teledu ar fywyd gwyllt
"Yr hyn dw i wastad yn dweud am fy swydd, yw fy mod yn cael fy nhalu i wneud fy hobi"
Cewch weld Iolo yn Nolgellau dydd Sul yma.
Ganwyd Iolo Williams yn Llanfair ym Muallt ym 1962, a threuliodd y tair mlynedd cyntaf o'i fywyd ym mhentref Beulah. Pan gafodd ei dad ei benodi yn brifathro Ysgol gynradd Eglwys Wen, symudodd y teulu i Sir Benfro. Dychwelodd y teulu i Bowys pan oedd Iolo yn bum mlwydd oed, a bu'n byw yn Llanwddyn ger Llyn Efyrnwy. Mynychodd ysgol gynradd y pentref cyn mynd ymlaen i Ysgol Uwchradd Llanfyllin, lle safodd dwy arholiad Lefel A, mewn Bioleg a Ffrangeg (a gwnaeth yn wael iawn yn y ddwy, meddai.)
Bu bron i Iolo ymuno â'r fyddin pan oedd yn ei arddegau, ond aeth i astudio Ecoleg yn y coleg yn Llundain. Ar ôl graddio, cafodd swydd yn gweithio ar fferm am wyth mis, yna treuliodd gyfnod yn gweithio yn y diwydiant coed.
Ym 1985 cafodd Iolo swydd gyda'r RSPB a threuliodd y 14 mlynedd nesaf yn gweithio i'r mudiad. Daeth yn wyneb cyfarwydd ar y cyfryngau - ar y teledu, y radio a'r papurau newydd yn y cyfnod yma, a gwneud enw iddo'i hun fel arbenigwr blaenllaw ar adar yng Nghymru.
Daeth ei brif gyfle i wneud enw iddo'i hun ar y teledu ym 1997, pan aeth Â鶹Éç Cymru ato a'i wahodd i weithio ar gyfres newydd o'r enw Visions of Snowdonia oedd yn dilyn bywydau chwe o bobol yn byw ac yn gweithio ar lethrau'r Wyddfa. Cafodd gynnig ail gyfers, y tro yma 'Birdman' ac mae'r enw Dyn yr Adar wedi aros gyda Iolo ers hynny.
Ym 1999, penderfynodd Iolo adael yr RSPB a dilyn gyrfa llawn amser yn y cyfryngau. Ers hynny, bu'n gweithio ar sawl cyfres arall gyda Â鶹Éç Cymru, gan gynnwys Wild Wales, Wild Winter a Iolo's Special Reserves a Natur Wyllt. Mae Iolo hefyd wedi cyflwyno rhaglenni gan gwmni telesgop ar S4C, gan gynnwys Gwyllt ar Grwydr.Ym mis Gorffennaf 2003, cerddodd y cyflwynydd 270 milltir fel rhan o Apêl S4C i godi arian ar gyfer dau hosbis i blant TÅ· Hafan a ThÅ· Gobaith, o Ogledd Cymru i'r De mewn un ar ddeg niwrnod.
Yn ystod 2003 - 2004 mae'r cyflwynydd yn gweithio ar gyfres arall ar gyfer Â鶹Éç Cymru yn edrych ar hanes naturiol ein gwlad.
Cyhoeddodd lyfr hefyd ar gyfer Nadolig 2003 o'r enw 'Blwyddyn Iolo'. Ewch i ddarllen adolygiad ohono , a sgwrs gyda Iolo Williams ar safle Llyfrau Cymru'r Byd.
Mae Iolo Williams yn byw ym Mhowys o hyd ger Y Drenewydd, sydd ddim ymhell o'r lle cafodd ei fagu. Mae ganddo wraig a dau o feibion.
Ìý
