麻豆社

Dai Jones yn cyflwyno cais gan wrandawr ar y rhaglen 'Ar Eich Cais'

Geirfa

• wyddoch chi be'?
• yn prysur fynd
• braint
• agoriadol
• cewri
• godidocaf
• cyfarchion
• 诺yr (wyrion)
• Eryr Pengwern

Gwrando a deall

1. Sut mae'r tywydd, yn 么l Dai?
2. Ble mae e wedi treulio'r penwythnos?
3. Pwy welodd e yng Nghaerdydd?
4. Beth sy'n digwydd yn y siopau?
5. Beth sy'n bwysicach na dim, yn 么l Dai?
6. Ers faint o amser mae e wedi cyflwyno 'Ar eich Cais'?
7. Oddi wrth bwy mae'r llythyr?
8. Am beth mae awdur y llythyr yn adnabyddus?
9. Faint yw oed Eirwen Jones?
10. Sut mae Dai yn ei chanmol?

Iaith

a) Weithiau mae'r Gymraeg yn defnyddio mwy nag un berfenw i gyfleu cysyniad tra bo Saesneg yn defnyddio un. Er enghraifft, gwybod / adnabod yn Gymraeg, ond yn Saesneg, 'to know' yn unig. Rhestrir tair enghraifft o hyn yn y golofn ar y chwith. Lluniwch 8 brawddeg trwy ddefnyddio'r berfenwau hyn mewn perthynas 芒'r enwau yn y golofn ar y dde:

b) Gwrandewch ar y darn eto gan sylwi ar y tagiau / ychwanegiadau a ganlyn:

• Caerdydd 'na chi
• a wyddoch chi be'
• alla i ddim gofyn am fwy
• 'na alla'?
• yn wir i chi
• chi'n mbod
• ddylwn i ddeud
• 'dych chi ddim yn edrych hynny
• Na Dafydd, o ran hynny
• 芒 chroeso calon

c) Ychwanegwch y cynffoneiriau (tagiau) cywir

• Dw i'n edrych yn iawn, ..........?
• Dydy e ddim wedi mynd, ..........?
• Roedden nhw yn y t欧, ..........?
• Fyddi di ddim yn y g锚m, ..........?
• Doedd e ddim yn chwerthin, ..........?
• Fe enillon nhw yn y diwedd, ..........?
• Tom yw dy enw di, ..........?
• Mae ganddi gar, ..........?

Tafodaith

Brodor o Geredigion yw Dai Jones. Oes gennych chi unrhyw sylwadau ar nodweddion ei iaith lafar?

Trafod

1. Rydych yn mynd i wneud cais am record i Dai Jones. Penderfynwch i bwy a pham gan s么n rhywbeth am wrthrych y cais a'r rheswm dros y dewis.
2. "Mae rhaglenni fel, 'Ar eich Cais' ond yn ffordd hawdd o arbed arian i'r cwmn茂au darlledu". Trafodwch.

Ymadroddion

• am yn ail
• wythnos fach go lew
• y fath fraint

Ysgrifennu

1. Ysgrifennwch gerdyn post at Dai Jones yn gwneud cais am record.

Trawsgrifiad

Helo 'na, bobol annwyl. Shwd i chi? Wel, on'd yw hi'n dywydd hyfryd? Does dim byd yn well na tamed o rew yn y bore ac awyr iach a heulwen am yn ail, be fwy allwn ni ofyn amdano? Shwd i chi gyd? Wedi treulio'r penwythnos lawr tua Caerdydd 'na chi, a wyddoch chi be', efo'r Ffermwyr Ifanc, ynde, a'r Jonesiaid. Alla i ddim gofyn am fwy, 'na alla'?

'Da chitha gobeithio wedi cael wythnos fach go lew a mae'r hydref yn brysur fynd eto ac mae 'na, .... a wyddoch chi be, y siope 'ma - Dolig, Dolig yw popeth. Yn wir i chi, os gewn ni iechyd dyw'r tymhore hyd yn oed ddim mor bwysig. A chi'n mbod, dw i ar "Ar eich cais" 'ma ers rhai blynyddoedd rwan ond ches i rioed y fath y fraint 芒 heddiw, neu heno ddylwn i ddeud, a chael llythyr agoriadol ... oddi wrth un o gewri'r genedl, a g诺r sydd yn byw ym mro Ddyfi ac yn uchel ei barch, un o'n beirdd godidoca'.

"Annwyl Dai", meddai'r llythyr, "cyfarchion i'm gwraig Eirwen Jones, Blaenplwyf Uchaf, Aberangell, oddi wrth y g诺r, Dafydd Wyn Jones. Mae Eirwen yn bedwar ugen ar y 7fed o Dachwedd". Ac Eirwen annwyl, 'dych chi ddim yn edrych hynny, 'na dach, na Dafydd o ran hynny. Daw'r cyfarchion hefyd oddi wrth y plant, yr wyrion, a'r wyresa. Hoffe glywed C么r Gore Gles ac Aled Wyn Davies yn canu Eryr Pengwern. Diolch yn fawr. Ac, wrth gwrs, 'di Pengwern ddim ymhell iawn o Blaenplwyf yn nacdi? Hyfryd Dafydd ydy cael gair oddi wrthoch chi ac fe gewch 芒 chroeso calon - dyma nhw i chi, C么r Gles ac Aled.

Noder

Nod y trawsgrifiadau hyn yw adlewyrchu'n gywir yr hyn a glywir ar y crynoddisgiau. Nid yw siaradwyr y Gymraeg, yn fwy na siaradwyr unrhyw iaith arall, yn llefaru'n ramadegol gywir bob amser ac oherwydd hynny ceir enghreifftiau o iaith wallus. Gall y rhain fod yn adnodd gwerthfawr i'r tiwtor ac yn brawf i'r dysgwr nad yw gwneud camgymeriadau yn rhwystr bob amser i gyfathrebu effeithiol. Ar dro, gellir tynnu sylw at wall a manteisio arno i danlinellu ambell bwynt. Greddf y tiwtor a'i adnabyddiaeth o'i ddosbarth fydd yn penderfynu pryd y dylid gwneud hyn ai peidio.