|
Llenyddiaeth: Ysgoloriaeth Emyr Feddyg
Er cof am Dr Emyr Wyn Jones, Cymrawd yr Eisteddfod
(164) |
| Sefydlwyd yr Ysgoloriaeth hon i hyfforddi llenor neu fardd na chyhoeddwyd cyfrol mo'i (g)waith eisoes. Dyfernir yr ysgoloriaeth yn flynyddol i'r cystadleuydd mwyaf addawol. Ar gyfer Eisteddfod 2006 fe'i cynigir i fardd. Gofynnir i'r cystadleuwyr anfon hyd at 30 o gerddi. Rhaid i'r darnau fod yn waith gwreiddiol a newydd yr awdur.
Dyddiad cau: 1 Ebrill 2006
Gwobr: Ysgoloriaeth Emyr Feddyg, yn werth hyd at £1,000, yn cynnwys £100 i'r enillydd ar gyfer meddalwedd neu lyfrau. Yna trefnir ar gost yr ysgoloriaeth i'r enillydd gael prentisiaeth wyneb yn wyneb gyda llenor profiadol a benodir gan y Panel Llenyddiaeth. Bydd yr hyfforddiant yn parhau am tua chwe mis, ac yn cynnwys pedair o sesiynau dwy awr, yn ogystal â derbyn sylwadau manwl ar bedair o dasgau a anfonir drwy'r post neu e-bost. Telir yn ogystal gostau teithio'r enillydd i'r sesiynau. |
|
|
Ìý
