Enw: Bysedd Melys
Aelodau: Dwi'n chwarae'r drymiau, Gerallt Jones sy'n canu, chwarae'r gitâr a'r allweddellau, Guto Roberts sydd ar y gitâr, Robin Jones ar y bas, Siôn Gwyn ar y trwmped a Gwion Jones ar y sacs.
O le: 'Da ni gyd yn wreiddiol o Sir Fôn, heblaw am Siôn sy'n dod o ochrau Gaernarfon.
Disgrifiwch steil y band: Rhyw fath o roc a ffync.
Pryd wnaethoch chi ffurfio?: Dwi ddim yn siŵr, blynyddoedd yn ôl yn yr ysgol!
Pam/sut ddaru chi ffurfio band?:
Ddaru athro ysgol ein hannog i ni gymryd rhan mewn brwydr y bandiau yn Nhafarn y Rhos. Mae Gwion a'i sacs wedi bod efo ni o'r cychwyn ac wedyn ddaru Siôn ymuno efo ni ar y trwmped - mae'n dda cael sŵn yr horn section.
O lle daeth yr enw?: Cyn-aelod ddaeth fyny efo'r enw, da ni ddim yn siŵr beth mae o'n feddwl ond mae'n swnio'n dda!
Uchafbwynt/isafbwynt hyd yma: Pan gawson ni bedair cân yng nghant uchaf Mawredd Mawr. Hefyd, chwarae yn y Coal Exchange yng Nghaerdydd yn cefnogi Melys.
Roedd chwarae gig yn y Star and Garter ym Manceinion, lle dwi'n byw, hefyd yn wych. Ddaru'r set Gymraeg gael croeso mawr gan y rhai sy'n dod i weld bandiau newydd yna - roedd o'n grêt.
Doedden ni ddim yn rhyw hapus iawn efo'r ail EP ond mae yna un arall ar y gweill.
Pwy ydy eich hoff artistiaid?: Mae gan bawb dâst gwahanol felly dyna pam mae yna gymaint o elfennau gwahanol yn ein cerddoriaeth. Da ni'n licio roc, indi, ska, bluegrass - bob dim.
Sut ydych chi'n mynd ati i sgwennu caneuon?: Da ni'n gwneud lot fel grŵp, yn enwedig y geiriau. Mae Gerallt yn dod i fyny efo ryw alaw a da ni i 'gyd yn gweithio o fanna.
Efo pa berson enwog fyddech chi'n licio rhannu cornflakes?:
Kenny Dalgleish - ond fedra i ddim siarad dros yr hogia eraill!
Sut mae'r ardal wedi dylanwadu ar eich cerddoriaeth?:
'Da ni wedi sgwennu cân am draeth, a da ni'n byw ger y traeth! Ond mae'r rhan fwyaf o'n caneuon yn rhai digon gwirion. Da ni ddim mor ddwfn â hynny, ein hoed sy'n dylanwadu fwyaf.
Tasech chi'n anifail, pa anifail fyddech chi?:
Arth gan ein bod yn gwneud pethau pob ryw hyn a hyn, wedyn yn mynd mewn i hibernation am amser hir.
Lle fyddai eich lle delfrydol i gynnal gig?: Anfield! Ond jest i fi fysa hynny. Mi fyddai'r lleuad reit dda.
Pwy fyddech chi'n hoffi ei weld yn dod i'ch gigs?:
Fyswn i'n licio gweld y super heroes i gyd yn troi fyny - mi fydden nhw'n gallu fflïo o gwmpas.
Gwefan, os oes ganddoch chi un:
