|
Cafodd y bws ei lansio yn swyddogol ddydd Mawrth, 26 Ebrill yn Galeri, Caernarfon, lle cafodd enillwyr cystadleuaeth arlunio ar gyfer disgyblion ysgolion cynradd lleol eu cyhoeddi. Y prif enillydd oedd Sion o Ysgol Pendalar, a gafodd ei ddewis i dorri'r ruban i agor y bws yn swyddogol.
Yn ogystal â chynnig cefnogaeth a chyfle i bobl ddefnyddio technoleg gwybodaeth newydd bydd y bws yn cynnig cyfleusterau darlledu a bydd cyfle i chi gymryd rhan mewn llu o weithgareddau a digwyddiadau.  Un o brif amcanion y bws yw dod â'r Â鶹Éç yn agosach at y cymunedau lle rydych chi'n byw.
Os ydych chi am gyfrannu i wefan Lleol, er enghraifft, mae'r cyfrifiaduron sydd ar y bws yn eich helpu chi i wneud hynny, yn ogystal ag offer fel sganwyr a chamerâu digidol. Yn ogystal â bod yn ganolfan lle gall pobl ddysgu am y dechnoleg ddiweddaraf a chael hyfforddiant i ddefnyddio'r rhyngrwyd a thechnoleg ddigidol, bydd hefyd yn ffordd o gasglu cyfraniadau gan amrywiol gymunedau ar gyfer gwasanaethau newyddion radio a theledu Â鶹Éç Cymru, amrywiol raglenni a safleoedd gwe gan ddarlledu'n fyw a recordio cyfraniadau trwy'r stiwdio gymunedol.
 |
Ìý
