|
"'Da ni'n gwerthu pysgod ffres ac mae gennym ni Delicatessen lle 'da ni'n gwerthu 'pates', ready meals - bob dim i'w wneud efo pysgod!
"Dydyn ni ddim yn cael lawer o bysgod lleol ond 'da ni'n cael lot o gimychiaid a chrancod o'r ardal.
"Mi fyddai yn gwneud paté fy hun. Mi fydda i'n dechrau gyda'r sail, sy'n cynnwys menyn, nionyn, garlleg a herbau ffres - mae'r rheiny'n dibynnu ar ba bysgodyn 'da chi am ei ddefnyddio. Mi fyddaf yn coginio hwnnw tan mae o wedi mynd yn feddal ofnadwy, yna adio'r pysgodyn - smoked salmon er enghraifft. Wedyn, dwi'n rhoi gwin gwyn a wisgi ar ei ben a'i 'simro' am ryw ugain munud i wneud yn siŵr fod y samwn wedi ei boethi trwodd yn iawn. Wedyn 'da ni'n ei finsio fo, ei botio a'i dopio efo menyn.
"Os brynwch chi ddarn neis o bysgodyn, fel darn o samon, brwsiwch o efo olew olewydd neu fenyn, halan a pupur ac ychydig o sudd lemon a'i roi yn y popty neu o dan y gril. Peidiwch a'i or-gwcio - dyna'r peth gwaethaf allwch chi ei wneud efo pysgodyn."
 |
