Â鶹Éç

Bydd mynedfa i'r Eisteddfod drwy unai Brif Fynedfa Stâd y Faenol, Ffordd Bangor y Felinheli neu drwy Ffordd y Parc, Parc Menai.

I gyrraedd y mynedfeydd bydd angen dilyn y llwybrau canlynol:

Llwybr 1 o'r de a'r canolbarth (Moduron yn unig)
A470/A487 - Dilyn yr A470 o Cross Foxes, Dolgellau hyd at gyffordd A487/A496 ger Maentwrog; dilyn yr A496 i Flaenau Ffestiniog yna'r A470 i Fetws y Coed. Dilyn yr A5 ym Metws y Coed drwy Gapel Curig i Gyffordd 11 yr A55 yn Llandygái. Dilyn yr A55 i Barc Menai (Cyffordd 9).

Llwybr 2 o'r de a'r canolbarth (Bysiau a Charafannau)
A470/A487 - Dilyn yr A470/A487 o Cross Foxes, Dolgellau drwy Benrhyndeudraeth, Porthmadog, Caernarfon, Ffordd Osgoi'r Felinheli i Brif Fynedfa Stâd y Faenol, Ffordd Bangor, y Felinheli.
NI FYDD MYNEDFA I'R EISTEDDFOD DRWY GANOL Y FELINHELI

Llwybr 3 o'r dwyrain
A55 i Barc Menai (Cyffordd 9).

Llwybr 4 o'r gorllewin (Eifionydd a LlŶn)
A487/A499 i Gaernarfon, Ffordd Osgoi'r Felinheli i Brif Fynedfa Stâd y Faenol, Ffordd Bangor, Y Felinheli.
NI FYDD MYNEDFA I'R EISTEDDFOD DRWY GANOL Y FELINHELI

Llwybr 5 o Ynys Môn
Arwyddion A55 yn cyfeirio trafnidiaeth yr Eisteddfod o Briffyrdd Dosbarth I Ynys Môn i Gyffordd 8 ac yna i Barc Menai (Cyffordd 9). Manylion Pont Menai a Phont Britannia

Trefn Trafnidiaeth Parc Menai
Bydd rhaid i bob cerbyd ddilyn llwybr cylch ar gyfer mynedfa ac ymadael â'r Eisteddfod. Bydd y llwybr fel a ganlyn - Ffordd y Parc, Ffordd y Llyn, Ffordd Gelli Morgan a Ffordd y Parc ymlaen i Ffordd Stâd y Faenol.
NI CHEIR PARCIO AR Y FFYRDD YMA DROS YR Å´YL.

Ar ôl ichi barcio eich car yn y maes parcio mae bysus gwennol rheolaidd ar gael i fynd â chi at brif fynedfa'r maes.

BYSUS A THRENAU
Mae Arriva Cymru yn cynnig tocyn cyfun ar gyfer teithio ar y trên a chael mynediad i faes yr Eisteddfod eleni. Gallwch brynu'r tocynnau yma ym mhob gorsaf trên yng Nghymru a Lloegr, neu gan swyddogion ar drenau Arriva.

Parcio a theithio
Gallwch barcio eich car mewn gorsafoedd trên ar draws y gogledd a dal trên i'r Eisteddfod.

Y gorsafoedd sy'n rhan o'r cynllun ydy: Abergele, Amwythig, Bae Colwyn, Betws-y-coed, Blaenau Ffestiniog, Bwcle, Caer, Caergybi, Cefn-y-bedd, Conwy, Fflint, Gobowen, Penarlâg, Pen-y-ffordd, Prestatyn, Rhyl, Shotton, Wrecsam Canolog, Wrecsam Cyffredinol, y Fali a'r Waun.

Arriva
Bydd bysiau gwennol yn mynd â theithwyr o Orsaf Bangor i'r Maes bob hanner awr o 8.00 o'r gloch y bore tan 7.00 yr hwyr, ac yna bob awr tan hanner nos. Gallwch fynd ar y bws o'r orsaf heb fod wedi dod ar y trên ond rhaid prynu tocyn sy'n cynnwys mynediad i'r maes yn yr orsaf. Cost mynediad i'r maes a bws o Fangor ydy £11.00.

Express Motors o Gaernarfon
Mae bws bob hanner awr o Orsaf Bysiau Caernarfon (Arhosfa A) a'r Faenol yn cychwyn am 8.10 o Gaernarfon tan 18.25, ac o'r Faenol rhwng 8.35 a 18.50 yr hwyr. Nid oes gwasanaeth ar ddydd Sul.

Mae manylion gwasanaethau bws o wahanol rannau o Gymru ar wefan Bws Gwynedd (dolen ar y dde)

Mwy o wybodaeth:
Bws Gwynedd (01286) 679535
Express Motors (01286) 881108
National Express 08705808080
Trainline 0870 9000773

BEICIO
Mae llwybrau beic o Gaernarfon a Bangor i Stâd y Faenol a bydd nifer cyfyngedig o lefydd i gadw eich beic wrth brif fynedfa'r maes.

Mae manylion llawn am y trefniadau teithio i'r ŵyl ar wefan Cyngor Gwynedd (dolen ar y llaw dde).