|
Mae golygfeydd panoramig i'r ddau gyfeiriad, cyn i'r llwybr ddisgyn i ardal hynaf Llandudno, a gafodd ei hadeiladu cyn oes aur y dref fel canolfan dwristaidd yn oes Fictoria.
Mae nifer o blanhigion a blodau yn cael eu tyfu ar derasau ar hyd y llwybr, gyda glaswelltir creigiog y Gogarth y tu cefn iddynt.
I'r rhai mwy egnïol, mae llwybr newydd wedi ei agor sy'n gwyro oddi ar y llwybr arferol i'ch arwain i fyny a thros y Gogarth tuag at y copa.
Mynediad: Mae mynediad rhwydd i'r caffi a darpariaeth ar gyfer yr anabl ar ffurf rampiau ynghanol yr ardd addurniadol. Mae digon o lefydd eistedd o amgylch yr ardd yn ogystal â thoiledau i'r anabl. Nid oes llefydd parcio dynodedig ar gyfer yr anabl.
Lleoliad: Y Gogarth, Llandudno.
Cyfarwyddiadau: O ran uchaf Pen Morfa, ewch ar hyd Marine Drive, tu hwnt i ben y promenâd. O Draeth y Gogledd, o Stryd Mostyn Uchaf, trowch i lawr Llewelyn Avenue ac ymlaen i Ffordd Cwlach a Gerddi Haulfre.
 |
