|
Roedd Solomon Andrews yn ddyn busnes o gryn bwysigrwydd yng Nghaerdydd pan ddaeth am y diwrnod i Bwllheli yn 1893. Gyda dwy awr yn sbâr cyn y trên am adref, aeth am dro ar hyd y traeth a gweld yn syth bod yna botensial mawr i'r tir gwag o'i flaen.
Roedd Pwllheli eisoes yn dref o fwyf ers canrifoedd. Derbyniodd y siarter gan y Tywysog Du yn 1355 ac roedd hefyd yn ganolfan adeiladu llongau am gyfnod.
Roedd tai South Beach a'r cob yn bodoli cyn ymweliad Solomon Andrews, ond ef aeth ati i adeiladu gweddill y tai a'r gwestai ger y môr, nifer fawr o'r siopau a hyd yn oed y tram oedd yn arfer mynd o Bwllheli ar hyd yr arfordir i Lanbedrog. Yno, prynodd Plas Glyn y Weddw ai droi'n lle i fwynhau celf, dawnsio a gwledda.
 |
