Beth yw dyslecsia? Ma' dyslecsia yn meddwl "problemau â geiriau". Mae e'n effeithio ar un o bob deg ohonon ni, ac yn effeithio ar rai yn fwy nag eraill. Ma' pobol enwog â dyslecsia yn cynnwys Jamie Oliver, Richard Branson a Scott Quinnell.
Os ydyn ni'n diodde o ddyslecsia:
- Rydyn ni'n aml yn cael trwbwl gyda darllen, ysgrifennu a sillafu. Mae e'n cymryd mwy o amser i ni wneud y pethau hyn. Ni'n gorfod gwneud mwy o ymdrech.
- Falle bod ein sgiliau siarad yn well na'n sgiliau ysgrifennu.
- Rydyn ni'n dysgu'n well trwy wneud pethau a rhoi cynnig ar bethau.
- Yn aml, rydyn ni'n dda iawn mewn pethau eraill fel celf, drama, cerddoriaeth, chwaraeon, mecaneg, adrodd storïau, gwerthu, busnes, cynllunio, adeiladu neu beirianneg.
- Falle bo' ni'n cael llond bol yn yr ysgol achos bo' ni'n cwympo tu ôl i'r disgyblion eraill mewn rhai pynciau, neu achos bod rhywun yn dweud bod rhaid i ni wneud mwy o ymdrech, neu achos bo' ni'n cael ein rhoi i eistedd wrth y bwrdd 'araf'.
Pam fod pobol yn diodde o ddyslecsia? Dyw dyslecsia ddim yn meddwl bo' ni'n dwp - dyw e'n ddim byd i wneud â pha mor glyfar ydyn ni. Ma' pobol â dyslecsia yn gallu ennill sgôr uchel iawn mewn profion IQ. Yn aml, ma' dyslecsia yn rhedeg yn y teulu.
Fi'n credu bo' fi'n diodde o ddyslecsia - beth ddylwn i wneud? Os wyt ti'n meddwl bo' ti'n diodde o ddyslecsia, cer i siarad ag athro. Gall drefnu bod arbenigwr yn gwneud profion i weld os wyt ti'n diodde o ddyslecsia.
Sut ma' trin dyslecsia? Os oes dyslecsia 'da ti, dylet ti gael cymorth yn yr ysgol. Bydd hyn yn helpu ti i ddod dros y problemau sy'n gysylltiedig â dyslecsia fel bo' ti'n gallu cyrraedd dy botensial llawn.
Cysylltiadau defnyddiol
Nid yw'r Â鶹Éç yn gyfrifol am gynnwys gwefannau allanol.
Eich sylwadau
Bydd y cynta i gyfrannu...
Cysylltu
Oes rhywbeth ti eisiau trafod? Anfon neges at Mosgito.
Mae Mosgito'n trin pob neges yn gyfrinachol - ond ma croeso i ti ddefnyddio ffugenw os oes yn well gennyt. Mae gan Mosgito'r hawl i ddethol negeseuon a'u golygu. Yn anffodus, nid yw'n bosib ateb pob neges.
