|  |
 |
 |  |
 E-gofnod y Gen...
E-gofnod Glyn a Magi
Steddfod Genedlaethol
Glyn Wise a Magi Dodd... a lolipops!
 Steddfod Gen'
Reit, 'Steddfod Genedlaethol 2007. Adeg yma llynedd mi o ni yn nhy'r Brawd Mawr, felly nes i golli'r 'Steddfod yn Abertawe. 'Leni mi o ni yn yr Wyddgrug o'r dydd Llun tan y nos Wener!
Mi wnes i rili mwynhau, ond dwi erioed wedi bod mor falch o adael rhywle erioed!. Nath Mam a Dad bigo fi fyny ar ol i fi a Magi orffen darlledu ar y nos Wener am 1am. Ar y ffordd adre yn y car, tra oedden ni'n dreifio drwy'r Wyddgrug nes i agor y ffenest a gweiddi ta ta yn uchel iawn.
Mi oedd hi'n braf iawn cael mynd adre i Blaenau a cael ystafell wely i gyd i fi fy hun.
Am yr wythnos mi oeddwn ni'n rhannu carafan efo Daf Du a Robin. Os fyswn ni yna awr yn hirrach, dwi ddim yn siwr iawn be faswn ni'n ei wneud.
Mi wnes i fwynhau darlledu o'r portacabin moethus yng nghefn Maes B efo Magi bob nos, mi gafon ni lot fawr iawn o hwyl!
Hefyd mi wnes i fwynhau gwrando ar setiau byw Gola Ola, Euros Childs a Mr Huw. Nes i brynu Cd Mr Huw ar stondin Sain ar y maes cyn gadael, a dwi heb stopio ei chwarae ers i fi ddod adre.
O ni bach yn gutted bo fi heb gael fy nerbyn i'r Orsedd eleni, gobeithio gai well hwyl flwyddyn nesaf. Ond, mi ges i dynnu fy llun efo rhai o'r aelodau. Os 'da chi eisiau gweld y lluniau yna ewch i adran y galeri ar safle gwe C2.
Un o'r petha' sy'n aros yn y cof am 'Steddfod Wyddgrug, ydi'r noson pan nes i ddianc drwy skylight y garafan a ffeindio fy hun ar do'r garafan. Mi oedd pawb yn meddwl bod hyn yn hilarious (efallai mai dyma pan gafodd criw C2 gwyn am fod yn swnllyd yn ystod y noson!!)
Gan ei bod hi bron yn bedwar y gloch y bore, mi wnaeth gweddill y criw fy ngadael yno a mynd i'w gwlau. Diolch Daf am helpu fi i gael nol fewn i'r garafan!!
Dwi heb gael amser i ddod dros y 'Steddfod eto, a cha'i ddim chwaith, ma'r briodas fawr mewn pythefnos a dwi ar ei hol hi braidd efo fy hyfforddiant coluro! Gewch chi'r hanes i gyd gennai'r wythnos nesaf!
Hwyl
Glyn
 Steddfod Gen
Ma'r Steddfod ar ben am flwyddyn arall. Es i lan i'r Wyddgrug ar y nos Sul ac aros tan y dydd Sul ola. Roedd hard-core Jeni Lyn, Sian Alaw a Robin lan ar y dydd Sadwrn cynta, ond nes i gyrraedd erbyn y nos Sul. Yn hyrach na sgwennu llith am bob dydd, nai sgwennu 2 restr - uchafbwyntiau ac isafbwyntiau'r Steddfod. Co ni off de;
Uchafbwyntiau
Mwynhau yn y Glasfryn ar y nos Sul cynta
Y winabegos moethus
Gigs acwstic y maes
Y bar ar y maes oedd yn ofnadwy o gyfleus i'r llwyfan acwstic
Drymio Samba-Galles-aidd Gola Ola yn ei gig nos Lun
Radio Gold
Cawodydd cynnes
Osi a Mei Sibrydion.. ma nhw just moooor lyfli
Glyn yn gorfod gwagio'r portaloo - hilarious!
Iwan Standley, ein gwe-feistr yn talu £10 am blât o ffa a phys... na be chi'n cael o fod yn vegan!
Sioe lwyfan penigamp fi a Glyn ar y maes bob dydd
Perfformiad gwych Huw M ar y gitar fas ar y nos Sadwrn ola'
Chwerthin lot fawr iawn
Dwyn sglodion ffrind Jeni Lyn o siop gebabs
Cerddoriaeth wych drwy'r wythnos
Y tywydd (roedd Sian yn iawn - ma'r haul wastad yn gwenu ar yr Wyddgrug)
Isafbwyntiau
Portaloos (er chware teg, Sian a Jeni nath wagio nhw)
Teledu lloeren y winabego ddim yn gweithio
Cael cwynion gan bobol ar y maes carafanau am ein bod ni'n gneud swn.. a nethon ni ddim - addo. Bai ar gam
Cawodydd oer
Yr Elsan
Gweld ise adre
Mair yn ffeindio allweddi car C2 yn ei handbag - roedd hi yn Sir Benfro ar y pryd
Huw Evans yn gwisgo sandalau
Gorfod canu carioci o flaen 50 o bobol yn ystod y sioe lwyfan achos doedd neb eise cymryd rhan yn yr her!
Glyn yn ffartio yn gwyneb fi - like - drwy'r amser!
Steddfod blws
Reit - welwn ni chi flwyddyn nesa.. Caerdydd amdani
M xxx
|
|
|
Amserlen C2:
Cysylltiadau, artistiaid, bandiau...