Â鶹Éç

Bha Tormod MacArtair à Càrlabhagh, neo Am Brot mar a b' eòlaich daoin’ air, ri obair luingeis air cidhe Steòrnabhaigh airson còrr is dà fhichead bliadhna. Ron a sin bha e deugachadh a bhliadhnaichean air feadh Alba anns an t-Seirbhis Chatharra agus thug e cuideachd dà bhliadhna anns an arm ann a Sasainn ‘s an Èirinn a’ dèanamh a Sheirbhis Nàiseanta. Agus thug e fad' a bheatha, cha mhòr bho thàinig e dhan an t-saoghal ann a 1938, a’ leantainn neo a’ cluiche ball-coise agus raon-cluiche sgioba Chàrlabhaigh còmhnard mu choinneamh an taigh anns na rugadh ‘s na thogadh e air Sràid Sheumais.

Às dèidh do Thormod dà bliadhna de Sheirbhis Nàiseanta a dhèanamh leis na 11th Hussars ( Prince Albert's Own ) ann a Sassainn agus an Èirinn a Tuath, às dèidh dha an sgoil fhàgail, cha robh e ach fichead bliadhna ach dè bha e dol a dhèanamh a-nis?