Â鶹Éç

Cha bheag na tha sinn a’ cluinntinn an-dràsta mu dheidhinn na companaidhean teicneòlais. Ach tha aon chompanaidh teicneòlais a tha fhathast a’ dol bho neart gu neart a dh’aindeoin’s na bhathas ag ràdh mu dheidhinn sna beagan bhliadhnaichean mu dheireadh. Còig bliadhna bhon a chaidh ainmeachadh mar cheannard ùr Mhicrosoft, a bheil Satya Nadella air soirbheachadh is air a’ chompanaidh a shàbhaladh?

Cuideachd an-diugh tha Coinneach a’ cluinntinn mu dheidhinn Belize agus an ceangal àraid eadar an dùthaich bheag seo, air am b’ àbhaist dhuinn a bhith a’ toirt Honduras Breatannach, agus a’ Ghàidhealtachd. Chaidh feadhainn às an sin a thoirt dhan Ghàidhealtachd airson coilltearachd mar a tha Murchadh Peutan ag innse.
Gheibh sinn iomradh cuideachd air cò ris a tha an dùthaich coltach bho Dhòmhnall Iain Mac an t-Saoir, a bha ann na shaighdear agus bhon fear-naidheachd Derek MacAoidh.

Agus ged a tha Nissan an-dràsta sna naidheachdan co-cheangailte ri co-dhùnaidhean mu thogail chàraichean, chan e sin ach sgainneal ionmhais agus connspaid ceannais as motha a tha na thrioblaid dhaibh ann an Iapan. Ach cò th’ ann an Carlos Ghosn, seann cheannard iomadach companaidh chàraichean eadar Nissan agus Renault a tha a-nise anns a’ phrìosan?