Â鶹Éç

Clach-mhìle gu math sònraichte a th’ ann a’ ruighinn 60 bliadhna a dh’aois agus tha sin ro Cheitidh Anna NicChoinnich ro dheireadh na bliadhna. Tha atharraichidhean gu bhith na beatha gu pearsanta ‘s i an dùil uallaichean na h-obrach a leigeil seachad an dèidh a bhith an sàs ann an obair-craolaidh airson còrr is 40 bliadhna.

Tha tòrr cheistean ri smaoineachadh air a thaobh a bhith a' ruighinn an trì fichead - gnothaichean a thaobh ionmhais, a’ fàgail beannachd aig co-obraichean a tha air bhith cho mòr na phàirt dhed bheatha làitheil, agus na dòighean sam bu chòir dhut d’ inntinn ‘s do bhodhaig a chumail subailte aig aois 60.

Anns na trì seachdainean mu dheireadh aig Ceitidh Ann aig Radio nan Gàidheal, tha i gu bhith faighinn beachd bho fheadhainn a ràinig an dearbh aois air a’ bhliadhna sa fhèin, agus feadhainn eile th’ air bhith thall ‘s a chunnaic, mar a chanas iad, agus a’ faighinn comhairle air mar a làimhsich iad fhèin cùisean nuair a ràinig iad a’ chlach-mhìle sa.