Â鶹Éç

Tha Coinneach Mac a' Ghobhainn a’ tomhas nan rathaidean eile a dh’ fhaodadh eachdraidh a bhith air a ghabhail anns an t-sreath ùr seo le cèist eadar-dhealaichte aige dha fhaighneachd gach seachdain. An t-seachdain sa: dè nan robh blàr o chionn 2500 bliadhna air a dhol an taobh eile?

Ann an 480 BC bha ìmpireachd Phersia a’ feuchainn ris a’ Ghrèig a’ smachdachadh. Aig an àm, b’ i Persia a’ rìoghachd a bu mhotha air thalamh – agus bha amasan aice sgaoileadh air feadh na Roinn Eòrpa agus Àisia.

Bha barrachd shaighdearan, barrachd airgid, barrachd shoithichean, agus barrachd cinnt aig na Pèirsich. Ach aig muir, ann am Blàr Shalamis, sgrios na Greugaich cabhlach cogaidh nam Pèirseach. Chuir sin às do dh’amasan nam Pèirseach, agus dhùisg e linn òr nan Seann Ghrèugach – a thug dhuinn feallsanachd, deamocrasaidh, agus tomhais dhar briathrachas an-diugh cuideachd.

Ach, dè nan robh Blàr Shalamis air a dhol an toabh eile? Dè nan robh na Pèirsich air soirbheachadh. Cò ris a bhiodh ar saoghal coltach, gun Linn Òr na h-Àithne, neo Aristotle?

Còmhla ri criomagan naidheachd a tha a’ toirt beò seann eachdraidh dhuinn, tha Màiri NicLeòid agus Dòmhnall MacLeòid a’ freagairt nan ceist sin – agus a’ fosgladh ar sùilean gu cho faisg is a thàinig ar saoghal bho bhith uile-gu-lèir eadar-dhealaichte.