Â鶹Éç

Tha Coinneach Mac a' Ghobhainn a’ tomhas nan rathaidean eile a dh’ fhaodadh eachdraidh a bhith air a ghabhail anns an t-sreath ùr seo le cèist eadar-dhealaichte aige dha fhaighneachd gach seachdain.

Anns a’ phrògram mu dheireadh san t-sreath, tha sinn a’ gabhail cuairt air ais 800 bliadhna, gu àm nuair a bha na h-eileanan fo riaghladh Lochlainn, seach Alba. Ann an 1263, chaidh blàr a shabaid air taobh a-muigh na Leargaidh Ghallda eadar Alba agus Nirribhidh, feuch cò leis a bhiodh na h-eileanan air taobh siar na h-Alba.

Chaidh am blàr agus an aimsir ceàrr dha na Nirribhich agus sa gheamhradh às dèidh a' bhlàir, bhàsaich rìgh Nirribhidh. Bhàsaich smachd Lochlannach air eileanan na h-Alba leis.

Ach dè nan robh droch bhliadhna air a bhith aig Alasdair, Rìgh Alba, seach Haakon, Rìgh Nirribhidh?

Tha Coinneach MacIllEathain agus Màiri Anna NicDhòmhnaill a’ beachdachadh air dè nan robh na Lochlannaich air buannachadh – agus dè bhiodh sin air ciallachadh do Haakon, Alasdair, na h-eileanaich, agus a’ Roinn Eòrpa gu lèir suas chun a’ latha an-diugh.