Â鶹Éç

Ma tha sinn fortanach bidh sinn a' dèanamh charaidean fad ar beatha tron sgoil, tro obraichean agus tro chur-seachadan, agus anns a’ chuid as motha de shuidheachaidhean 's ann a tha an càirdeas sin ri daoine a tha faisg air an aon aòis rinn fhèin. Gheibh sinn facal an-diugh bho thriùir a tha a' cur luach ann an càirdeas ri daoine a tha pìos math nas sine no nas òige na tha iad fhèin, feuch dè na buannachdan a tha ann dhaibh bho chàirdeas dhen t-seòrsa sin.

Chuala sinn an naidheachd an-t-seachdain 'sa gu bheil na bùthan mòra, Morrisons agus Sainsburys a’ dol a chur stad air daoine nach bi a' cleachdadh còmhdach-aodainn bho bhith frithealadh nam bùthan aca. Bidh Cathy a' còmhradh ri daoine air feadh na dùthcha, feuch a bheil, mar a tha àsan ga faicinn, daoine a' gabhail ris na riaghailtean airson Covid19 a sheachnadh.

Dè cho tric 's a bhios sinn nar n-inbhich nar suidhe ag èisteachd ri cuideigin a' leughadh. Tha Open Book airson leughadh agus sgrìobhadh a bhrosnachadh an lùib buidhnean coimhearsnachd eadar-dhealaichte. Cluinnidh sinn bho Heather Clyne mu na h-iomairtean a tha gan cur air dòigh airson seo a thoirt air adhart, agus mu na cothroman a tha ann tron Ghàidhlig cuideachd.

Ceòl bho Graham Colton, Van Morrison, Jillian Jacqueline, Harry Styles is eile.

www.bbc.co.uk/feasgar