Â鶹Éç

B’ ann an Taigh a’ Chidhe am Brèascleit air taobh siar Leòdhais a thogadh Bob Macleòid, neo Murdie a’ Chidhe, neo - airson ainm baist a thoirt dha - Raibeart Murchadh Maclèoid. Thug e leth-cheud bliadhna ann an gnìomhachas, a’ siubhal an t-saoghail, chan ann a mhàin na obair mar sgiobair air soithichean mòra ach ann an gnìomhachas na h-ola, nan itealan agus na heileacoptair.

Mu dheireadh bha e os cionn Puirt-adhair na Gàidhealtachd ‘s nan Eilean agus fhuair e OBE airson an obair a rinn e ann an gnìomhachas nan itealan.

Chuala sinn sa phrògram mu dheireadh mun a’ ghreim tràth a fhuair am muir air eadar cidhe Bhrèascleit agus cidhe Chirceboist am Beàrnaraigh air taobh thall a’ Chaolais agus mun t-saoghal a dh’fhosgail a mhàthair ‘s athair dha fhèin ‘s dha bhràithrean nan cloinn, le bhith falbh air làithean-saora gu tìr-mòr sna leth-cheudan. Cha robh air, mar a tha e ag innse do dh'Annella Nicleòid, ach falbh bhon taigh airson an tuilleadh fhaicinn dha fhèin agus airson faighinn air adhart san t-saoghal.