Â鶹Éç

B’ ann air an teilidh, uaireigin sna trì ficheadan, a chunnaic Jo NicDhòmhnaill an Dr Iain Mac a’ Ghobhainn an toiseach. Cha robh air ach paidhir pyjamas agus bha e na shuidhe air ciste-teatha! Bha adhbhar airson sin, mar a chuala sinn, nach robh idir co-cheangailte na dhreuchd mar dhotair teaghlaich. A bharrachd air a bhith na dhotair tha Iain Mac a’ Ghobhainn air mòran a chur ri soirbheachas An Lanntair, an t-ionad ealain ann a Steòrnabhagh, agus tha e aithnichte am measg phìobairean mar eòlaiche agus mar bhritheamh, ’s chan eil a sin ach cuspair no dhà air an tug e fhèin 's Jo tarraing sa chòmhradh a bh' aca thairis air na trì prògraman san t-sreath.

San dàrna prògram, tha e ag innse mu bhuille uabhasach a dh'fhulaing an teaghlach aige nuair a bha e fhèin sa bhliadhna mu dheireadh san oilthigh, cluinnidh sinn mar a chaidh e a dh'obair dhan Ghearsdan, Middlesborough agus dhan eilean Sgitheanach. Gheibh sinn a-mach cuideachd carson a thill e a Shasainn às dèidh dha pòsadh agus na thug orra tilleadh dhachaigh a Leòdhas, far a robh e na dhotair teaghlaich iomadh bliadhna às dèidh sin.