Â鶹Éç

Ffion Dafis a'i gwesteion yn trafod y byd celfyddydol yn ei holl amrywiaeth, a hynny yng Nghymru a thu hwnt.

Yn y rhaglen heddiw mae Ffion yn cael cwmni Rebecca Thomas sydd newydd ryddhau ei nofel gyntaf ar gyfer oedolion – nofel sydd yn cael ei disgrifio fel nofel ddystopaidd ac yn dychanu Prifysgolion y Gymru gyfoes.

Hefyd mae Manon Steffan Ros ac Elin Elis yn galw heibio i sgwrsio am y cyd-weithio sydd wedi bod rhwng yr Eisteddfod Genedlaethol a Disability Arts Cymru wrth greu llyfr stori a llun cyntaf o’i fath ar gyfer plant yn y Gymraeg a BSL.

Ail-fywyd i ffilm wleidyddol ‘Oed yr Addewid’ ddangoswyd yn wreiddiol ar S4C nôl yn y flwyddyn 2000 yw testun y trafod gyda'i hawdur a’i chyfarwyddwr Emlyn Williams yn ogystal â’r actor Arwel Gruffydd.

Ac yna i gloi, mae Angharad Price yn trafod digwyddiad ym Mhrifysgol Bangor sydd yn dathlu’r ‘Nofel Gymraeg’.