Â鶹Éç

Tha sinn a' toirt sùil air dìleab Sir Andreas Whittam Smith, a chaochail an t-seachdain'sa . B' e a chuir am pàipeir-naidheachd The Independent air chois. Ciamar a thòisich e pàipear-naidheachd neo-eisimeileach, dè cho eadar-dhealaichte ‘s a bha sin aig an àm agus na chùm iad ris an fheallsanachd a bh’ aca o thùs?

Chaidh 48 bùth Poundland a dhùnadh an t-seachdain a chaidh . Dè tha fàgail gu bheil bùthan dhen t-seòrsa a' dùnadh aig àm far a bheil uimhir a bhochdainn 's an rìoghachd? Tha an t-eòlaiche eaconomaigeach Coinneach MacMhathain a' toirt sùil air eachdraidh bùthan dhen t-seòrsa seo agus na cùisean a bhios a' toirt buaidh orra.

Tha rannsachadh a rinn te de bhùthan mòra na rìoghachd ag radh gu bheil daoine cuir an cùl ri biadh a th’ air a dhol tro iomadh phròiseas mus ruig e na sgeilpichean. Tha'd a reic fad a bharrachd nan àbhaist de bhuntàta son ròstadh 's an àmhainn agus de dh' ìm! Tha dithis aoighean a' toirt beachd air a sin agus dè ghabhas a dhèanamh le diofar seòrsa buntàta.

Bheil cactas Nollaig agaibh a-staigh? Tha Calina NicDhòmhnaill a' toirt stiùir mu ciamar a nì sibh cinnteach gun tig flùraichean air an cactas ro'n Nollaig agus gu seas iad tron t-seùsan.