Â鶹Éç

I ddathlu dechrau’r gwaith adeiladu ar safle newydd Ysgol Dafydd Llwyd, Y Drenewydd,
19 Ionawr 2015

Ti yw coed deunydd tÅ· cerdd.
Trawst ein iaith trosti a’i nen
‘Moliant Dafydd Llwyd ap Dafydd o’r Drenewydd’ (Guto’r Glyn)

Os bach i ni bellach y bryncyn
lle safai tŷ dy gân,
cartref bychan
seiri crefft
ger grym llifeiriant Hafren,

ac os llyncwyd tomen
gŵr y llinell union
gan goed a llwyni’n
bwrw rhwydi
cysgod estron dros y tir,

does angen inni chwilio’n hir
trwy’r drysi,
na chloddio’n ddwfn
i’r pridd
ar lannau Hafren,

cyn canfod eto dderwen
sy’n canghennu’n
llys o gân: o’i bonyn
brigodd mangoed
a’u llond o egin ir

sy’n mynnu adfeddiannu tir
rhag grym llifeiriant Hafren.

Christine James
Ionawr 2015

Lluniwyd fel rhan o weithgarwch ‘Bardd y Mis’ Radio Cymru, a’i darlledu ar raglen Dylan Jones, 23 Ionawr 2015