Â鶹Éç

Gur duilich leam mar tha mi 's mo chridhe 'n sàs aig bròn
Bhon an uair a dh'fhàg mi beanntan àrd a' cheò,
Gleanntanan a' mhànrain, nan loch, nam bàgh 's nan òb
'S an eala bhàn tha tàmh ann gach là air 'm bheil mi 'n tòir.

A Mhagaidh na bi tĂąrsach a rĂąin ged gheibhinn bĂ s
Cò am fear am measg an t-sluaigh a mhaireas buan gu bràth?
Chan eil sinn uile ach air chuairt mar dhìthein buaile dh'fhàs,
Bheir siantanan na bliadhna sìos 's cha tog a' ghrian an-àird.

Tha mise 'n seo 's mo shĂąil san iar on chrom a' ghrian 's an t-sĂ l
Mo bheannachd leig mi às a dèidh ged thrèig i mi cho tràth
Gun fhios am faic mi màireach i nuair dh'èireas i gu h-àrd
Is iomairt lann gu bhith ri chèil' nuair 's lèir dhuinn beul an là.

Tha mise seo san fhàsaich air sliabh a' bhlàir 's mi leòint'
Cha Ghearmailteach a thàrr mi cuir saighead cràidh nam fheòil,
Ach an gaol thug mi dhan mhàldaig, a' ghruagach àlainn òg
A-nochd chan fhaod mi àicheadh nach e chuir ceàrr mo dhòigh.

Mas e 's gu bheil e 'n dàn dhomh 's on bhlàr gun till mi beò
Is gu faic mi 'n t-àite san deach m' àrach òg,
An sin bidh crathadh làmhan ann is bilean blàth toirt phòg
'S mo ghealltanas bidh pàighte dhut le fainne chur mud mheòir.

Ach ma thig an t-Ă m is anns an Fhraing gum faigh mi bĂ s,
'S san uaigh gun tèid mo shìneadh far 'eil na mìltean chàch,
Mo bheannachd leis a' ghruagaich, a' chaileag uasal bhĂ n -
Gach lĂ  a dh'fhalbh gun uallach dhi, gun nĂ ire gruaidh na dhĂ il.

Oidhche mhath leat fhèin a ghaoil nad leabaidh chùbhraidh bhlàth
Cadal sĂ mhach air do shĂąil 's do dhĂąsgadh sunndach slĂ n
Tha mise 'n seo san trannsaidh fhuar 's nam chluasan fuaim a' bhĂ is
Gun dĂąil ri faighinn Ă s le buaidh tha 'n cuan cho buan ri shnĂ mh.

[Song lyrics sourced by the (GRD) for educational purposes only.]

Ěý

Ěý