Â鶹Éç

Available for over a year

Drws cadarn sy’n dal yn fur yn y co Rhwng y bywyd fu a’i fwrlwm atgofion A’r bodoli llwm tu draw iddo fo. Rwy’n dal i guro, curo’r styllod cryfion, Ond dim ond atsain chwithig ddaw yn ôl, Yn ôl hyd wacter oer y coridorau. Curaf eto, er gwybod pa mor ffôl Fy nhaerineb dwl, ofer y curiadau. Dieithryn wyf fi bellach yn fan hyn Nid yw yr un a geisiaf yma mwyach. Ond gwelaf hi yn glir, a’i llygaid syn Yn edliw im yr haeddai hi amgenach. Ond dro rôl tro, o gau fy llygaid innau, gwn Y gwelaf hi fel roedd cyn y dieithrwch hwn. Beryl Griffiths 8.5