Â鶹Éç

Available for over a year

Gane is the day and mirk's the night, But we'll ne'er stray for faute o' light, For ale and brandy's stars and moon, And blude-red wine's the rysin Sun. Then guidwife count the lawin, the lawin, the lawin, Then guidwife count the lawin, and bring a coggie mair. There's wealth and ease for gentlemen, And semple-folk maun fecht and fen; But here we're a' in ae accord, For ilka man that's drunk's a lord. Then guidwife count the lawin, the lawin, the lawin, Then guidwife count the lawin, and bring a coggie mair. My coggie is a haly pool, That heals the wounds o' care and dool; And pleasure is a wanton trout, An' ye drink it a', ye'll find him out. Then guidwife count the lawin, the lawin, the lawin, Then guidwife count the lawin, and bring a coggie mair.