Â鶹Éç

Available for over a year

Gwylio Pan ddaw’r lloer i ddenu’r llanw, pan ddechreua’r tonnau wylltio a phan fydd berw’r môr yn gwasgu, yn dechrau gwthio drwy’r cerrig: pan fydd y clai yn cracio, y wal yn wlyb a’r heli’n sleifio i mewn fesul ffrwd fechan: pan fydd y gaer yn gwegian a’r diferion yn cronni, yn tyfu’n llyn, cyn bochio’n afon: pan dry’r dŵr i chwilio’r strydoedd fel pla o lygod mân a’u sibrwd yn sgubo dan ddrysau: pan fydd y lloriau’n oeri a’r tân yn ’cau cnesu’r tŷ, fe wisgwn sgidiau trymach a lapio’n cotiau’n dynn. Fe ddaliwn ati i baentio’r pared, taenu cwyr dros y dresar, a’r trawstiau’n tampio, nes daw’r môr at y drws. A phan fydd y tonnau’n torri ar y ffenest uchaf, saf di allan, ac edrycha.