�鶹��

Available for over a year

Recording 1/3 Myttin da. Desedhegores Kreslu ha Galweyth a-barth Kernow ha Dewnens, Alison Hernandez, re dherivas hy asran dhe dhegemeres gront a beswar poynt seyth milvil beuns dhyworth an Sodhva Dre. Gans an arghasans ma, y fynn hi arveth kans ha deg a sodhogyon nowydh. Y’ga mysk, y fydh pymp gwithyas kres ha dew ugens, pymthek ha dew ugens a Sodhogyon Skoodhyans Kemeneth, ha deg sodhek bodhek arbennik. Yn sewyans, y fydh moy sodhogyon gwelys war stretow Kernow, owth oberi yn parys kreslu kentreveth. Ms Hernandez a leveris bos an arghasans “nowodhow bryntin” hag y hwre an sodhogyon nowydh “gwellhe fydhyans ha lehe galweyth”. Yn-medh Ispennsodhek Glen Mayhew, “An sodhogyon ma a vydh gweladow ha hedhadow y’gan gwigow, trevow ha citys, ow patalyas orth fara gorthsocyal ha galweyth leel”. Translation 1/3 Good morning. The Police and Crime Commissioner for Devon and Cornwall, Alison Hernandez, has reported that her department has received a grant of £4.7 million from the Home Office. With this funding, she intends to recruit 110 new officers. Of these, there will be 45 police officers, 55 Community Support Officers, and 10 special constable volunteers. As a result, there will be more officers seen on the streets of Cornwall, working in neighbourhood police teams. Ms Hernandes said that the funding was “fantastic news” and that the new officers would “improve confidence and reduce crime”. "They will be visible and accessible within our villages, towns and cities tackling antisocial behaviour and local crime," said Assistant Chief Constable Glen Mayhew. Recording 2/3 Kok leska kernewek, kans, tri ha dew ugens y oos, re beu aswonys orth Pewasow Skathow Klassek yn Loundres. Orth an solempnita, an kok leska, Barnabas y hanow, a veu kurunys Kansbloodhyas an Vledhen, hag y gapten, Toby Floyer, a leveris y hallas Kernow bos “gothus dres eghen a’n pewas”. Perghennys yw Barnabas gans Trest Morek Kernewek, hag y hyllir y weles yn porth Lulynn. Dhe benn an nownsegves kansbledhen, yth esa a-dro dhe vil gok leska kovskrifys orth porthow kernewek, mes Barnabas yw an diwettha anedha. Byttegyns, yma ev hwath owth oberi yn fen. Warlena, y hwrug Barnabas kowlwul viaj, peswardhek kans milder y hys, dhe beder kenedhel geltek erel, Alban, Kembra, Iwerdhon ha Manow, ha sevel ugens mil beuns rag nowedhi an wernow ha sparys. Translation 2/3 A 143-year-old Cornish lugger has been recognised at the Classic Boat Awards in London. At the ceremony, the lugger, which is called Barnabas, was crowned Centenarian of the Year, and its captain, Toby Floyer, said that Cornwall could be “immensely proud of the award”. Barnabas is owned by the Cornish Maritime Trust, and you can see it in Newlyn harbour. At the end of the 19th century, there were about 1,000 luggers registered at Cornish ports, but Barnabas is the last of them. However, it’s still hard at work. Last year, Barnabas completed a 1,400 mile voyage to four Celtic nations, Scotland, Wales, Ireland and Man, and raised £20,000 to renew the masts and spars. Recording 3/3 Gwithti yn Kernow re solempnyas an kans, pympes penn-bloodh ha tri ugens a’n Gernowes, meur hy bri, Emily Hobhouse. Emily a devis yn Sen Iv, ogas dhe Lyskerrys, le mayth o hy thas pronter ha kynsa Arghdyagon a Vosvena. Dres an Vresel Boer, hi a sawyas an bewnans a lies benyn ha flogh synsys yn kampow keskreunyans bretennek yn Afrika Dyghow. Byttegyns, nyns o hy ober aswonys yn Breten Veur, le mayth o hi gwelys avel traytoures. Synsys veu an solempnyansow yn hy thre kyns yn Sen Iv, ha dislennys veu penn delow nowydh a Emily. Hi a verwis yn Loundres yn mil, naw kans, hwegh warn ugens, hag ynkleudhys yw hy lusu yn delow yn Afrika Dyghow. Ha henn yw oll ahanav vy an seythen ma. Terebo nessa! Translation 3/3 Good morning. A museum in Cornwall has celebrated the 165th birthday of Cornish heroine, Emily Hobhouse. Emily grew up in St Ive, near Liskeard, where her father was a vicar and the first Archdeacon of Bodmin. During the Boer War, she saved the lives of many women and children held in British concentration camps in South Africa. However, her work was not recognised in Great Britain where she was seen as a traitor. The celebrations were held in her former home in St Ive, and a new bust of Emily was unveiled. Emily died in London in 1926, and her ashes are buried in a statue in South Africa. And that’s all from me for this week. Until next time! This week’s An Nowodhow was written and presented by Steve Penhaligon and edited by Wella Morris. Pic: Mevagissey by Del Bond.