�鶹��

Available for over a year

RECORDING 1: APD yw toll war neyjow a dhiberth an Ruvaneth Unys ha tylis yns gans oberadoryon jynn-ebron, dell yw usys an toll yw res dhe drethysi gans aga fris tokyn. Pennweythresek Ryanair, Eddie Wilson y hanow, a leveris y hallsa ev gul “kemmys moy” yn Ayrborth Tewynblustri mars o dileas APD. Herwydh Tresorva an Ruvaneth Unys an toll re “godhas a-dryv hwythans yn bledhynnhyow a-dhiwedhes ha’n governans a venten nivellow kepar ha Pow Frynk hag Almayn. Y leveris Mester Wilson: “Kalessa yw rag leow kepar ha Tewynblustri dhe denna ayrlinennow avel Rynair. “Y hyllsyn ni gul kemmys moy omma heb an APD gocki ma. “Ny wra tra vydh rag an ranndir ha nyns yw marnas toll es dhe guntel.” TRANSLATION: APD is a tax on flights which depart from the UK and are paid by aircraft operators - the tax is usually passed onto passengers with their ticket price. Eddie Wilson, Ryanair's chief executive officer, said he could do "so much more" in Newquay Airport if APD was scrapped. According to the UK Treasury the tax had "fallen behind inflation in recent years" and the government maintains similar rates to France and Germany. Mr Wilson said: "It's harder for places like Newquay to attract airlines like Ryanair. "We could do so much more here without this stupid APD. "It does nothing for the locality and it's just an easy tax to collect.” RECORDING 2: An pyskador, Richard West y hanow, a diras an kynsa morvleydh derivys bythkweth dhyworth an unnek ha dew ugens eth kans a vorvledyhi Lego yn onan a dhew lestryn ha tri ugens ow synsi peswar milvil ha tri kwarter darn skubys dhe-ves a’n gorhel Tokio Express ogas dhe Bedn an Wlas yn mil naw kans seytek ha peswar ugens. An wariell a blastek, kechys gans Mester West yn y rosow pyskessa ugens mildir adhyghow dhe Bennsans mis Est dew vil peswar warn ugens, a vydh gwerthys gans strifwerther Aberplymm, Anthony Eldred y hanow, an degves warn ugens mis Hedra. Y leveris Mester Eldred yth o “oberen ogas hag anpossybyl” dhe worra pris gid war an patron Lego heb parow, mes y dybis ev bos ynter hanter kans ha kans peuns gwirhaval. TRANSLATION The fisherman, Richard West, landed the first-ever reported shark from the 51,800 Lego sharks in one of 62 containers holding 4.75 million pieces swept off the Tokio Express cargo ship near Land's End in 1997. The plastic toy, caught by Mr West in his fishing nets 20 miles south of Penzance in August 2024, is set to be sold by Plymouth-based auctioneer Anthony Eldred on 30 October. Mr Eldred said it was "almost an impossible task" to put a guide price on the unique Lego model, but he thought between £50 and £100 would be likely. RECORDING 3: Herwydh Konsel an Dre Lyskerrys rag merkya an prys Mer Kemperle, Michaël Quernez y hanow, a elwis an Bagas Burjesek dhyworth Lyskerrys dhe Vreten Vyghan mis Gwynngala rag solempnita pennseythen. Y leveris kannas an konsel Gevellans dhe dhalleth yn kynsa le ynter Lyskerrys ha Kemperle mis Hedra mil naw kans peswardhek ha tri ugens hag a-dhia ena, yth esa lies bledhen a vysytyansow ha kesoberyansow ynter skolyow, klubys sport ha bagasow kemeneth. Byttegyns, henn a dheuth ha bos “byghanna dres termyn,” y keworras an konsel. An konsel a vynsa klewes hwedhlow dhyworth an huni a omlowenhas vysytyansow dhe’n dre Frynkek ha “helder kuv aga tus.”Henn yw oll ahanav vy. Seythen da genowgh. TRANSLATION According to Liskeard Town Council to mark the occasion the Mayor of Quimperlé, Michaël Quernez, invited the Civic Party from Liskeard to Brittany in September for a weekend ceremony. A council spokesman said twinning first began between Liskeard and Quimperlé in October 1974 and since then, there had been many years of visits and collaborations between schools, sports clubs and community groups. However that had become "less over time", the council added. The council would like to hear stories from those who have enjoyed trips to the French town and the "kind hospitality of their people". That’s all from me, have a good week. An Nowodhow was written and read by Kensa Broadhurst and the editor was Wella Morris. Photo of Cawsand by �鶹�� Weather Watcher/Ladyday Dr J.