�鶹��

Available for over a year

Recording 1/3 Myttin da. An governans re erviras dilea an soodh a Dhesedheger Kreslu ha Galweyth yn Pow Sows, Kembra ha Kernow erbynn dew vil, eth warn ugens. An venystres a-barth an kreslu, Sarah Jones hy hanow, a leveris na wrussa an soodh “delivra an pyth a veu hi selys dhe gowlwul”. Desedhegores a-barth Kernow ha Dewnens, Alison Hernandez, a leveris bos marth dhedhi a’n ervirans, ha’y dheskrifa avel “ervirans tromm heb kussulyans vyth” gans Sodhva an Desedheger. Yma hwans dhe’n Sodhva Dre may fo soodh an desedheger omgemerys gans mer etholys, po nyns eus mer, gans ledyer an konsel leel. Ms Hernandez a leveris y fedha fur may fo soodh an desedheger omgemerys gans mer, mes bos prederow dhedhi drefen nag esa towlow vyth rag mer etholys yn Kernow ha Dewnens y’n eur ma. Translation 1/3 Good morning. The government has decided to abolish the office of Police and Crime Commissioner in England, Wales and Cornwall by 2028. Policing minister Sarah Jones said the office had “not delivered what it was set up to achieve”. The commissioner for Devon and Cornwall, Alison Hernandez, said that she was surprised by the decision, which she described as “a sudden announcement without any consultation” with the Office of the Commissioner. The Home Office wants the role of the commissioner to be undertaken by an elected mayor, or if there isn’t a mayor, by the leader of the local council. Ms Hernandez said that it would be sensible for the role of commissioner to be undertaken by a mayor, but she was worried because there were currently no plans for an elected mayor in Devon and Cornwall. Recording 2/3 Dowr Soth West re lonchyas arghas nowydh, dew vilvil beuns y dalvosogeth, a’n jeves an amkan a wellhe an kwalita a dhowr y’n bys naturel. An kowethas a wra profya grontys dhe vagasow kerghynedhel ha bodhek yn Kernow, Syllan ha Dewnens, a vynn kesoberi ganso yn ragdresow nowydh rag kreuni glawas ha dyghtya kwalita a dhowr y’gan powdir. Penndhyghtyores Bagas Pennon, Susan Davy hy hanow, a leveris, “Der oberi leuv yn leuv gans kemenethow leel, ni a yll difres ha yaghhe agan avonyow, tirwelyow ha godhvewnans, ow kwruthyl gwellheansow a bes dhe gwalita an dowr, bewdhiverseth, ha gooth leel”. Y hyll bagasow ombrofya rag gront a dheg mil beuns dhe oberi yn ragdres byghanna, mes kavadow vydh grontys, kemmys ha kwarter a vilvil beuns aga thalvosogeth, rag towlow meur. Translation 2/3 South West Water has launched a new fund worth £2 million which aims to improve the quality of water in the natural world. The company will offer grants to environmental and voluntary groups in Cornwall, the Isles of Scilly and Devon, which want to co-operate with it on new projects to store rainwater and manage water quality in our countryside. The CEO of Pennon Group, Susan Davy, said, “By working hand-in-hand with local communities, we can protect and restore our rivers, landscapes and wildlife, creating lasting improvements to water quality, biodiversity, and local pride." Groups can apply for a grant of £10,000 to work on a smaller project, but there will grants of as much as £250,000 available for major schemes. Recording 3/3 Andrea Simmons, unnek bloodh ha tri ugens hy oos, ha dhyworth Lulynn, re waynyas hy klass y’n marathon Evrek Nowydh ha dos ha bos Kampyores an Bys rag tus ynter an osow a dheg ha tri ugens ha peswardhek ha tri ugens. Ms Simmons, neb yw esel a Resoryon Heyl, a worfennas an res yn termyn gwella personel a damm moy es tri our, seytek mynysen warn ugens – eth mynysen le es hy gwella termyn kyns. Hi a waynyas an keth klass orth Marathon Boston yn mis Ebrel hag yma govenek dhedhi defendya hy thitel a Gampyores an Bys orth res yn Cape Town y’n vledhen a dheu. Kaderyer Resoryon Heyl a leveris hy bos “awen ollvysel dhe resoryon kottha yn pub le oll”. Ha henn yw oll ahanav vy an seythen ma. Terebo nessa! Translation 3/3 A seventy-one-year-old woman from Newlyn has won her class in the New York Marathon and become World Champion for people between the ages of 70 and 74. Ms Simmons, who is a member of Hayle Runners, finished the race in a personal best time of a little over 3 hours 37 minutes – eight minutes less than her previous best time. She won the same class at the Boston Marathon in April and she hopes to defend her title of World Champion at a race in Cape Town next year. The chairman of Heyl Runners said she was “a global inspiration to older runners everywhere”. And that’s all from me for this week. Until next time! Pic: Bodmin by Callmejonny