�鶹��

Available for over a year

Recording 1 Myttin da. An kowethyans amerikanek Intuitive Machine re dheklaryas y hwra ev prena Selva Norvys Goon Helghi diwettha y’n vledhen ma.Goon Helghi re gesoberas gans Intuitive Machine dres lies bledhen, orth y skoodhya yn y ganasethow lorel. Nans yw diw vledhen Intuitive Machine a diras sterlester ogas dhe benn-aghel soth an Loor, hag a-gynsow an keth kowethyans ma a dhyghtyas an ganaseth Artemis Dew may hwrug peswar stervarner neyja a-dro dhe’n loor. Selva Goon Helghi a skoodhyas an dhiw ganaseth ma, owth helerghi an sterlestri ha dyghtya an keskomunyansow gansa. An bargen, seytek warn ugens a vilvilyow a beunsow y dalvosogeth, a gomprehend an peswar ha dew ugens a skudellow lorell ha tavellow erel orth an selva, keffrys ha’y rosweyth keskomunyansow efanvos down. Translation 1 Good morning. The American company Intuitive Machine has announced that it will buy Goonhilly Earth Station later this year. Goonhilly has worked with Intuitive Machine for many years, supporting it on its lunar missions. Two years ago, Intuitive Machine landed a spacecraft near the Moon’s south pole, and recently the same company ran the Artemis II mission where four astronauts flew around the moon. The Goonhilly base supported both these missions, tracking the spacecraft and managing communications with them. The deal, worth £37 million, includes the 44 satellite dishes and other antennae at the base, as well as its deep space communications network. Recording 2 An governans re ros kummyas dhe ranndiryow digresennys yn Pow Sows settya toll nowydh war dornysi. Jane Kirkham, Esel Senedh a-barth Truru hag Aberfala a leveris bos an toll “gorthargyadow”, mes y fedha an arghans dhe les dhe Gernow drefen tornysi dhe gressya yn feur an kost a brovia servisyow leel, kepar ha’n NHS ha’n kreslu, dres an hav. Byttegyns, kyn nag yw manylyon a’n toll ervirys hwath, tus owth oberi y’n diwysyans tornyasek re arvreusis an towl. Yn-medh dyghtyer Ostel St Moritz yn Trebedrek, Hugh Ridgway y hanow, “Prowyow yw tanow dres eghen, yma kostow mayni ow sevel yn feur, yma kostow nerth prest ow chanjya, ha hedor yw kyfyans an brenoryon. Ha lemmyn Westminster a dyb bos an gorthyp beghya vysytyoron gans hwath moy tollow”. Translation 2 The government has given permission to devolved regions in England to impose a new tax on tourists. Jane Kirkham, MP for Truro and Falmouth, said that the tax was “controversial” but that the money would be useful to Cornwall because tourists greatly increased the cost of providing local services, such as the NHS and the police, throughout the summer. However, although details of the tax have not yet been decided, people working in the tourist industry have criticised the plan. The manager of the St Moritz Hotel in Trebetherick, Hugh Ridgway, said, “Margins are wafer thin, staff costs are soaring, energy remains volatile, and consumer confidence is fragile. And now Westminster thinks the answer is to tax visitors even more." Recording 3 Gwelys re beu paloresow yn Kastel Dintagel rag an kynsa prys a-dhia an bledhynnyow deg ha tri ugens. An balores yw an edhen genedhlek a Gernow ha kevrennys yw hi dhe henhwedhel Myghtern Arthur. Y leverir y hwrug enev an myghtern tremena yn palores pan veu ev ledhys orth batel Kammlann. Nyns esa palores vyth gwelys yn Kernow dres lies bledhen. Ena yn dew vil hag onan, y teuth dhe’n Lysardh kopel a baloresow hag a govias ydhnigow. A-dhia nena, kressya yn fen re wrug an niver a baloresow ha, herwydh an RSPB, moy es kans paloresik re beu koviys warlena hag an dhiw vledhen kyns. Yn-medh gwithyas Ertach Pow Sows, Win Scutt y hanow, “Dell hevel, yth yw hemma pols tanow may fet natur ha myth”. Ha henn yw oll ahanav vy an seythen ma. Terebo nessa! Translation 3 Choughs have been seen at Tintagel Castle for the first time since the 1970s. The chough is Cornwall’s national bird and is linked to the legend of King Arthur. It is said that the king’s soul passed into a chough when he was killed at the battle of Camlann. No choughs were seen in Cornwall for many years. Then in 2001, a pair of choughs arrived on the Lizard and hatched chicks. Since then, the number of choughs has increased enormously and, according to the RSPB, more than 100 choughlets were hatched last year and the two years before that. "It's a rare moment where nature and myth seem to meet," said English Heritage curator Win Scutt. And that’s all from me for this week. Until next time! Presenter This week’s An Nowodhow was written and presented by Steve Penhaligon and edited by Steve Harris. You can listen again on �鶹�� Sounds by going to bbc.co.uk/cornwall and scrolling down to the ‘Best Bits’ section. Photo of Saltash by �鶹�� Weather Watcher/silverloon.