�鶹��

Available for over a year

Recording 1/3 Myttin da. Yma’n kreslu ow kesoberi gans lies kowethyans erel yn ragdres, Vision Zero y hanow, a’n jeves an amkan a lehe an niver a geskwattow marwel po sevur war fordhow Kernow ha Dewnens gans hanterkans kansran erbynn dew vil, deg warn ugens. Ha, herwydh derivas dyllys gans an Asran rag Karyans, an niver a dus ledhys po shyndys yn sevur re godhas dhe’n isella nivel rag lies bledhen. An niverow a dhiskwedh y feu naw den ha dew ugens ledhys warlena, ha tamm le es pymp kans den shyndys yn sevur yn droglammow a-dreus dh’agan ranndir. An kreslu a leveris bos kameras toul pur effeythus rag lehe an niver a dhroglammow. Rag ensampel, a-dhia an ynstallyans a gameras war an fordh A38 (A etek warn ugens) ogas dhe Garkil, ny veu den vyth ledhys po shyndys ena dres an naw mis eus passyes. Translation 1/3 Good morning. The police are working with many other organisations on a project called Vision Zero which aims to reduce the number of fatal or serious collisions on Cornwall and Devon’s roads by 50% by 2030. And, according to a report published by the Department for Transport, the number of people killed or seriously injured has fallen to the lowest level for many years. The numbers show that 49 people were killed last year, and a little less than 500 people seriously injured across our region. The police said that cameras were a very effective tool for reducing the number of accidents. For example, since cameras were installed on the A38 near Carkeel, no one has been killed or seriously injured there for the last nine months. Recording 2/3 Hal goth yn Kernow kres re beu kemerys yn-dann with a Bow Sows Naturel ha res an titel a withva natur kenedhlek. Pur bosek yw an dirwel ma dhe withysi natur drefen bos meur a vewvaow synsys ynni a skoodh lies eghen danow a blansow, ydhyn ha tykkiow Duw. Henwys vydh an withva Halow Kernow Kres, hag ynni y kevir Torr Helman, Kastel an Dinas ha Hal Gors, hag yw aswonys gans tus leel avel chas meurgerys Myghtern Arthur. Dres henna, yma hwath tus owth estenna sten du dhyworth gweli goverow an hal, dell veu gwrys a-dhia an oos kynsistorek. Pow Sows Naturel a leveris y hwre an withva nowydh “gwellhe hedhas an werin dhe natur, gwruthyl chonsyow rag dyski hag omwith, ha skoodhya an erbysiedh leel dres ammeth sostenadow”. Translation 2/3 An ancient moor in central Cornwall has been taken into the care of Natural England and designated as a national nature reserve. This landscape is of particular interest to conservationists because it contains many habitats that support lots of rare species of plants, birds and butterflies. The reserve will be called the Mid Cornwall Moors, and includes Helman Tor, Castle an Dinas and Goss Moor, which is known locally as King Arthur’s favourite hunting ground. There are also people still extracting tin from the riverbeds of the moor, just as they have done since prehistoric times. Natural England said that the reserve would “improve people's access to nature, create opportunities for learning and recreation and support the local economy through sustainable farming". Recording 3/3 An bagas kerghynedhel Gwith Trethow Tewynblustri re livras tri hans legest yowynk y’n mor avel rann a ragdres dhe gressya an poblans. An bagas a restras an hwarvos gans gweres Gorva Legesti Kenedhlek yn Lannwedhenek neb re beu ow livra legesti yowynk dres an hwegh bledhen warn ugens eus passyes. Keffrys ha livra an legesti, a-dro dhe dhew kans den a omguntelas war Dreth Byghan Fystal hag, yntredha, remova tredhek kilo ha tri ugens a strol dhyworth an treth. Ledyores Bagas Abby Wheston a leveris bos an kerghynnedh moy a vri dhe dus a wrug ynterweythresa ganso. Yn-medh hi, “Dre livra an [legest] baban na, i a yll kavos prevyans ha mell didro a wra mogghe aga herensa rag an kerghynnedh, hag i a vynn y dhifres”. Ha henn yw oll ahanav vy an seythen ma. Terebo nessa! Translation 3/3 The environmental group Newquay Beach Care has released 300 young lobsters into the sea as part of a project to increase the population. The group organised the event with the help of the National Lobster Hatchery in Padstow who have been releasing young lobsters for the last 26 years. As well as releasing the lobsters, about 200 people gathered on Little Fistral Beach and, between them, removed 73kg of litter from the beach. Group Leader Abby Wheston said that the environment was more important to people who interacted with it. "By releasing that baby [lobster], they are able to have a first-hand experience and connection which increases their love for the environment and want to protect it," she said. And that’s all from me for this week. Until next time! Pic: Pollyjoke by �鶹�� Weather Watcher Jules.