�鶹��

Available for over a year

Recording 1/3 Myttin da. Yma Konsel Kernow ow hwilas kummyas a’n governans a geworra henwyn tyller Kernewek dhe arwodhyow daromres yn Kernow. Konseler Dan Rogerson a dhisplegyas bos arwodhyow daromres diwyethek yn Kembra hag Alban, mes na hwath yn Kernow. Yn-medh ev, “Kernewek re beu aswonys ha res an keth savla avel yeth a-ji dhe’n Ruvaneth Unys ages Kembrek ha Godhalek Albanek, hag yma taklow a fros a henna”. Ev a geworras bos plattys hanow stret diwyethek seulabrys, ha na vedha kostow keworransel dhe’n konsel mar kwrella ev devnydh a Gernewek yn arwodhyow daromres erel. Leveryas a-barth Asran Garyans a worthebis, “Ni yw omres dhe nowedhi reythyans ow tochya an desin a arwodhyow daromres fordh ha ni a vynn omgussulya a-dro dhe’n mater”. Translation 1/3 Good morning. Cornwall Council is seeking permission from the government to add Cornish place names to traffic signs in Cornwall. Councillor Dan Rogerson explained that traffic signs were bilingual in Wales and Scotland, but not yet in Cornwall. “Cornish has been recognised and given the same status as a language within the UK as Welsh and Scots Gaelic and there are things that flow from that”. He added that street nameplates were already bilingual, and that there would be no additional costs to the council if it were to use Cornish on other road signs. A spokesman for the Department of Transport replied, "We are committed to updating legislation about the design of road traffic signs and will consult on this." Recording 2/3 An pennmenyster Andy Burnham re brofyas may halla Kernow bos grontys an reyth dhe jarjya toll dornyasek avel rann a vargen digresennans, ha ledyer Konsel Kernow Leigh Frost re leveris y tegoodh dhe’n konsel prederi yn sad yn y gever. Y teu lies milvil tornyas dhe Gernow dres an hav hag, y’n eur ma, na wrons i kevri travyth dhe’n servisyow poblek leel. Ytho, mar pe charj resnadow keworrys dhe’n pris a ostyans, y hallsa bos an arghans devnydhys dhe be an kostow ma. Byttegyns, perghenogyon negysyow tornyasek re warnyas y halsa toll nowydh lettya tornysi rag vysytya Kernow ha taga an diwysyans omma. Konseler Frost a grys y fedha dhe les dhe’n konsel kavos an reyth dhe jarjya an toll kyn nag esa edhom a wul devnydh anodho distowgh. Translation 2/3 Prime Minister Andy Burnham has suggested that Cornwall could be given the right to charge a tourist tax as part of a devolution deal, and the leader of Cornwall Council Leigh Frost has said that the council should think seriously about doing so. Many millions of tourists come to Cornwall through the summer and, currently, make no contribution to local public services. So, if a reasonable charge were to be added to the price of accommodation, the money could be used to pay for those costs. However, owners of tourist businesses have warned that a new tax could deter tourists from visiting Cornwall and strangle the industry here. Councillor Frost believes that it would be useful for the council to have the right to charge the tax although there was no need to introduce it right away. Recording 3/3 Den dhyworth Essa, Bob Brown y hanow, re dreusis Ostrali war skouter, nag o tredanek hogen, rag sevel arghans a-barth teyr aluseneth. Yma govenek dhodho may fo y aventur kovadhys y’n Lyver Guinness a Rekordys drefen ev dhe gowlwul an viaj, dhyworth Perth bys dhe Sydney, uskissa es dell wrug den vyth aral y’n bys. Oll war-barth, ev a viajyas dew vil, eth kans mildir ha sevel a-dro dhe bymp mil beuns a-barth Skoodhyans Kanker MacMillan, Ospes Sen Luk hag Ospes Fleghes Soth West. Nyns yw hemma an kynsa prys ev dhe wul neppyth a’n keth par. Yn dew vil hag onan, ev a dheuth ha bos an kynsa Brython dhe bonya a-dreus dhe Ostrali ha, diw vledhen diwettha, ev a wrug an keth tra war dhiwros. Ha henn yw oll ahanav vy an seythen ma. Terebo nessa! Translation 3/3 A man from Saltash, Bob Brown, has crossed Australia on a scooter, which wasn’t even an electric one, to raise money for three charities. He hopes that his adventure will be recorded in the Guinness Book of Records because he completed the trip, from Perth to Sydney, faster that anyone else in the world. All together, he travelled 2,800 miles and raised about £5,000 for MacMillan Cancer Support, St Luke’s Hospice and Children’s Hospice South West. This is not the first time that he has done something similar. In 2001, he became the first Briton to run across Australia and, two years later, he did the same thing on a bike. And that’s all from me for this week. Until next time! Presenter This week’s An Nowodhow was written and presented by Steve Penhaligon and edited by Steve Harris. You can listen again on �鶹�� Sounds by going to bbc.co.uk/cornwall and scrolling down to the ‘Best Bits’ section. Photo of Downderry by �鶹�� Weather Watcher Ragsy.