Â鶹Éç

A' beachdachadh air cuspairean a' bhàird

Tha uimhir de chuspairean aige, tha cuspairean aotrom 's cuspairean cudromach. Cuspairean aotrom mar rud a bhiodh a' tachairt as an àite agus 's e sin an rud a bh' air cuimhne dhaoine, bu mhotha a bh' air cuimhne dhaoine, ri mo chuimhne-sa.

Ach bha cuideachd cuspairean a bha tighinn an-àirde as na dàin a sgrìobh e aig deireadh a bheatha, mar Spiorad a' Charthannais, 's a' leithid sin a rud. Nise, 's ann a-mach air moraltas gu sònraichte a bha e ann an Spiorad a' Charthannais is Spiorad an Uamhair, agus bha sin toirt a-steach uachdarain, daoine a bha os cionn dhaoine eile, 's an seòrsa dòigh anns an robh iad a' coimhead riutha, agus a' toirt a-steach cràbhadh cuideachd. Feumaidh sinn cuimhneachadh gu robh gluasadan mòra cràbhaidh air tachairt ann am meadhan na 19mh linn, agus gum biodh fios aige air an sin bho dhachaigh agus bho Dhùn Èideann.

Sin an dà chuspair shònraichte a tha e toirt a-steach. Tha e cuideachd a' cantainn nach e a-mhàin daoine a th' ann an inbhe a tha uailleil agus àrdanach, ach "bodaich ghrùigeach, agus smùid asd' leis an luathaidh," 's a' leithid sin.

Ach 's e cor an duine 's an dòigh as a bheil e a' coimhead ris an t-saoghal 's an dòigh as a bheil e coimhead ri cho-chreutair as an t-saoghal. agus tha e a' dèanamh breithneachadh air a' sin a thaobh a' rud a tha ceart, na bheachd-san, agus a' rud nach eil ceart.