Â鶹Éç

'S hè rò ghuga, hò rò ghuga,
Hè rò ghuga, 's tu bha càilear,
Cha bhi mise chaoidh an tional
Far am bi daoine dèanamh tàir ort.

Bha fear agam an-dè gu m' dhiathad,
Pìos dhan t-sliasaid, chaidh mi 'n sàs innt',
Ach bho fhuair mi idir sìos e
Cha do dh'iarr e thighinn an-àirde.

Ach fhuair mi pìos do dh'fhear an-uiridh,
O, mo chreach! Mo chreach-sa thàinig!
Nuair a chaidh e gu mo thruinnsear
Bha mi tinn fad làrna-mhàireach.

Dh'fheuch mi pìos na mo bheul dhe
'S dhiùlt m' fhiaclan dhol an sàs ann,
'S cho fad 's a bhios mi beò bidh cuimhn' air
Fad na h-oidhch' le stamag chràiteach.

Bha 'm pìos a dh'fhàg mi, dh'fhalbh an cat leis,
Chaidh e mach gu taobh a' ghàrraidh,
Rinn e ruith is their e meulaich,
Chrath e cheann is thug e ràn às.

Fear a' reic rium fhìn an guga,
Cha mhòr nach mionnaichinn an-dràsta,
Gur e bh' aige trùilleach starraig,
Mharbh e timcheall nam pàircean.

'S iomadh seòrsa feòil is iasgan
A dh'ith mi riamh air feadh gach ceàrnaidh,
Ach cho milis ris a' bhiadh ud
Cha do dh'fheuch bho dh'ith sinn bàirnich.

'S ma bhios sinn beò aig an ath thìd'
Tha sgioba a' cùm ri dol gu sàl innt',
Mi fhìn is Iain Ruadh is Tìoman,
Tillidh sinn le mìle 's còrr dhiubh.