Â鶹Éç

'S rud annasach, rud iongantach 's mìorbhail e gu dearbh.
Laoigh gam breith sa bhaile seo aig crodh nach b' aithne tarbh,
'S mar shìos air a' mhachair uan no gamhainn bhon a' chaol,
Thèid fios a chur gu h-aithghearr gu bodach stuth a ghaoil.

Thig esan dhomh cho beadarach 's cho èasgaidh ri fear-bainns',
A dhèanamh gnìomh an athair air staran no aig faing,
'S gu sgiobalt' bidh a sheacaid dheth 's le cuideachadh bho làmh,
'S mus can thu slige chreachan ris bidh bhò aige an dail.

Ach ochan tha rud cunnartach san fhasan nach eil faoin,
Cuir eagal air a h-uile fear gun teann e am measg dhaoin',
'S gun tèid a' laogh a suidheachadh 's a h-èigheachd measg an t-sluaigh,
Gach leanabh, mic is bò, ach a' chuid dhiubh a bhios ruadh.