Â鶹Éç

'S Mi Air Creagan a' Sgurra

Òran air a sgrìobhadh le: Gun Urra agus air a sheinn le: Eàirdsidh MacIllEathain.

This is a song written by: Gun Urra and sung by: Eàirdsidh MacIllEathain.

Facail an Ã’°ù²¹¾±²Ô / Song Lyrics

Fonn an òrain

Tha fonn an òrain seo ri fhaighinn ann an leabhar Highland Vocal Airs, a dheasaich Pàdraig Dòmhnallach agus a chaidh fhoillseachadh ann an 1784, a' chiad leabhar de sheòrsa.

Ann am prògram a rinn e don BhBC air 05/07/1962, thuirt an sgoilear an t-Urr Uilleam MacMhathain agus e a' bruidhinn air an leabhar:

"Bha ceòl Gàidhealach air a sgrìobhadh air paipear car coltach ri biadh air a thasgadh an deigh – gabhaidh am biadh itheadh agus an ceòl èisteachd ris, ach tha e air cuid dha bhlas a chall. Tha feum gu robh sgrìobhadh ann ge-tà; tha a' bheul-aithris a' sìor dhol às - tha o chionn ùine mhòr – agus às aonais sgrìobhadh a' chiùil bhiodh mòran air a dhol air dìochuimhn'."

Mhìnich an t-Urramach MacMhathain an uair sin cò a thional na fuinn:

"B' e seo Eòsaph Dòmhnallach, mac do Mhaighstir Murchadh a bha na mhinisteir an sgìreachd Dhiùranais, an Dùthaich MhicAoidh. Cha robh e ach na ghille òg aig an àm, ach bha deagh ealain aige air ceòl, agus an uair a dh'fhalbh e dha na h-Innsean dh'fhag e pàirt dhe na chruinnich e aig piuthar dha.

Chaochail e beagan is bliadhna an deis dha ruighinn thall, agus 's ann an uair sin a ghabh a bhràthair, Maighstir Pàdraig, làmh san obair. Bha esan na mhinisteir sa Chill Mhòir an Latharna agus bha e na fhear-ciùil barraichte. Chuir e roimhe fuinn nan òran a chruinnich Eòsaph a thoirt am follais mar chuimhneachan air.

Ach gus am biodh meudachd chuimseach as an leabhar rinn Maighstir Pàdraig trusadh math e fhèin, mar leasachadh air saothair a bhràthar, agus thàinig an t-iomlan am follais ann an 1884 fon ainm Highland Vocal Airs, suas ri 200 òran, an ceòl agus mar as trice an t-ainm, ach às aonais nam facal.

Tha còrr math agus 100 de na h-òrain a tha na facail aca rim faighinn, an seann leabhraichean is làmh-sgrìobhainnean agus o bheul-aithris."

'S e 'S mi air Creagan a' Sgurra aon de na h-òrain sin, am fonn a chaidh fhoillseachadh san leabhar agus na facail air an toirt gu chèile. A rèir coltais dh'fhalbh am fear a rinn an t-òran a dh'iarraidh uisge-beatha airson na bainnse, no 's dòcha an rèiteach, ach thàinig bàs obann air an tè a bha e dol a phòsadh agus b' e sin an naidheachd a bha a' feitheamh air nuair a thill e.

Seinneadairean / Performers