Â鶹Éç

Dèan dhòmhsa tuigse, cur soills' air mo smuain;
Dh'iarrainn gur Tu bhiodh gam stiùireadh gach uair;
Làmh rium san oidhche is romham san tràth,
Rèidh rium sa mhadainn agus glèidh mi tron là.

Ceartas dom bhriathran agus fìrinn dom bheul,
Thusa toirt iùil dhomh 's mi dlùth riut, a Dhè.
Athair, thoir gràdh dhomh, gabh mis' thugad fhèin;
Cùm mi rid thaobh is bi daonnan nam chrè.

Dìon mi, a Thighearna, ri mo chliathaich 's gach feachd;
Cùm mi fod sgiath 's thoir dhomh misneachd is neart,
Fasgadh dom anam is mi rid uchd dlùth.
Treòraich mi dhachaigh, Dhè chumhachdaich Thu.

Beartas chan fhiach leam no miann chlann nan daoin',
Thusa nam fhianais fad làithean mo shaogh'il;
Thusa, Dhè ghràsmhoir, a-mhàin na mo chrìdh',
Le blàths is gràdh sìorraidh, mo Thighearna 's mo Rìgh.