|
Llongyfarchiadau lu i Hedd Bleddyn, Brynpeiran, Penegoes, wedi iddo gipio'r gadair yn Eisteddfod Teulu James Pantyfedwen, Pontrhydfendigaid.
Cynhaliwyd Seremoni'r Cadeirio ym Mhaftliwn Pontrhydfendigaid, Ddydd Calan Mai, gyda merched Ysgol Gynradd Pontrhydfendigaid yn perfformio'r Ddawns Flodau.
Mae Hedd yn adnabyddus iawn fel bardd, rhigymwr a limrigwr llawn hiwmor, ond dyma'r tro cyntaf iddo fentro i gystadlu ar gynghanedd, a hynny yn y cywair lleddf.
Cafodd ganmoliaeth uchel am ei gerdd ar y thema Gwawr gan Meirion Macintyre Huws a draddododd y feirniadaeth.
 |
Ìý
