Â鶹Éç

Fe orffennodd mewn amser o wyth munud 18.06 eiliad i gyrraedd y rownd derfynol yn gyfforddus er mwyn ceisio ychwanegu at yr aur enillodd yn y 400m dull rhydd ddydd Llun.

Llwyddodd y Prydeinwyr Fran Halsall, Gregor Tait, Liam Tancock, James Goddard a Cassie Patten hefyd i gyrraedd y rowndiau terfynol.

Ond roedd siom i Mark Foster, oedd yn cystadlu yn ei bumed Gemau Olympaidd yn olynol, wrth iddo orffen yn y 23ain safle yn y 50m dull rhydd.

Mae tîm hoci Prydain, sy'n cynnwys y Gymraes Sarah Thomas, yn parhau ar drywydd lle yn y rownd gynderfynol ar ol curo Seland Newydd 2-1.

Yn y bocsio, bu llwyddiant i Tony Jeffries yn y pwysau is-drwm ond colli oedd hanes Bradley Saunders yn y pwysau welter.

Roedd siom hefyd i Nathan Robertson a Gail Emms yn y dyblau cymysg badminton wrth iddyn nhw golli yn y rownd gogynderfynol.

Enillodd y ddau fedal arian yn Athen pedair blynedd yn ôl.

Daeth breuddwyd Roger Federer o ennill medal aur yn y tenis i ben ddydd Mercher wrth iddo golli i'r Americanwr James Blake 6-4 7-6 yn rownd yr wyth olaf.

Roedd Federer, fydd yn colli ei le fel prif ddetholyn y byd i Rafael Nadal ddydd Llun, wedi ennill bob un o'r wyth gornest blaenorol yn erbyn Blake.