|
Hon oedd uchafbwynt yr holl gystadlaethau celf, llenyddol, cerddorol a llefaru a gynhaliwyd yn ystod yr wythnos bwysig hon yn ein hanes fel Cymry. Roeddem yn lwcus iawn eto eleni i gael Mr. Dafydd Islwyn Hughes yn feirniad cerddi a storïau disgyblion blwyddyn 5 a 6 ac roedd yn awyddus i ddod i'r seremoni i draddodi'r feirniadaeth ac i ganmol gwaith y plant.
Yr enillydd eleni oedd Leanna Davies, un o ddisgyblion blwyddyn 6 a oedd yn fuddugol nid yn unig am gyfansoddi cerdd ar y testun "Ofn" ond hefyd am ysgrifennu stori ar y testun "Y Dewin Diog" - tipyn o gamp, Leanna! Llongyfarchiadau mawr i ti.
Diolchwn hefyd i holl blant yr ysgol fu'n cymryd rhan yn eu gwahanol gystadlaethau ac i Mrs. Ann Walker am feirniadu gwaith blwyddyn I a 2 a Mrs. Anwen Hill am feirniadu gwaith blwyddyn 3 a 4.
 |
Ìý
