Cliciwch yma i ddweud wrthon ni beth sy'n digwydd yn Hwlffordd
Trwy gydol misoedd Mehefin a Gorffennaf eleni, bydd Hwlffordd yn ganolbwynt i ddigwyddiadau a rhaglenni Â鶹Éç Cymru. Bydd y rhaglenni ar Â鶹Éç Radio Wales, Â鶹Éç Radio Cymru a'r teledu yn cynnwys newyddion, y celfyddydau, addysg, drama, cerddoriaeth a hyd yn oed chwaraeon.
Mae safle we newydd bbc.co.uk/hwlffordd yn cynnwys yr holl wybodaeth am y cyfnod a llawer iawn mwy am hanes, digwyddiadau a datblygiadau'r ardal.
Mae cydweithrediad a brwdfrydedd pobl leol yn hanfodol i lwyddiant y prosiect, a dyma beth mae'r trefnwyr yn awyddus i'w annog. Ffurfiwyd bwrdd ymgynghori o bobl leol eisoes i wneud paratoadau ac mae grwpiau cymunedol yn canolbwyntio ar syniadau a gwneud cynlluniau ar gyfer allbwn Â鶹Éç Cymru o'r ardal.
Eich cyfle chi i gyfrannu
Dyma gyfle i bobl leol gyfrannu at y rhaglenni, i gymryd rhan mewn digwyddiadau, datblygu syniadau am hanesion sy'n bwysig ac ysgrifennu ar gyfer gwefannau'r Â鶹Éç.
"Mae presenoldeb Â鶹Éç Cymru yn Hwlffordd yn ystod Mehefin a Gorffennaf yn rhan o'n hymgyrch Yma i Chi, sy'n gweithio gyda chymunedau ym mhob cwr o Gymru," meddai Alison Quinn, cydlynydd y prosiect o Â鶹Éç Cymru.
"Mae yna frwdfrydedd am y syniad hwn yn y dref eisoes. Byddwn yn darlledu rhaglenni radio a theledu, yn creu deunydd ar-lein, yn cynnal gweithdai a pherfformiadau, yn chwilio am ddoniau newydd a llawer iawn mwy. Felly, os oes gennych stori i'w hadrodd, syniad am eitem newyddion neu hyd yn oed llun yr hoffech rannu, cysylltwch â ni."
"Mae hwn yn brosiect mawr i Â鶹Éç Cymru," esbonia Alison. "Yn ystod ein cyfnod yn yma rydyn ni'n gobeithio ennill dealltwriaeth am yr ardal a'i phobl a bydd hefyd yn galluogi gweddill Cymru i ddysgu mwy am Hwlffordd."
"Rydyn ni wedi derbyn croeso cynnes a chalonogol yn Hwlffordd," ychwanega, "Hoffwn ddiolch i'r bwrdd ymgynghori lleol am eu cefnogaeth a'u brwdfrydedd wrth helpu ni i ddatblygu cysylltiadau agos â'r gymuned, ac rydyn ni'n gobeithio bydd y rheiny'n parhau ymhell y tu hwnt i'r deu fis o ddigwyddiadau lleol."
Hwlffordd yw'r chweched ardal yng Nghymru i elwa o'r prosiect lleol Yma i Chi. Mae'r fenter wedi ymweld ag Ynys Môn eisioes eleni ac yn 2005 aeth i Aberdâr, Dinbych, Butetown yng Nghaerdydd a Chaerfyrddin.
Gallwch gysylltu â thîm Yma i Chi! Â鶹Éç Cymru drwy anfon e-bost at ymaichi@bbc.co.uk neu drwy ffonio 08703 500 700.
Ìý
