Â鶹Éç

Taois
225g ìm a tha gu math bog
1 ugh
1 bhuidheagan uighe
350g flùr plèan
100g siùcar

Am Paidh
100g silidh shirisean
100ml uisge
½ spàin-tì brìgh faoineige
1 spàin-bùird min-maoise
250g sirisean
250g dearcan gorm
1 spàin-bùird siùcar demerara

Crème fraiche neo iogart airson a chur còmhla ris

Cuir air an àmhainn aig dà cheud Celsius.

An toiseach dèan cinnteach gu bheil an t-ìm blàth, cha mhòr gus leaghadh. Cuir seo ann am bobhla leis a’ bhuidheagan agus an t-ugh slàn. Buail seo ri chèile gu math gus an tèid e am measg a chèile is e mìn, uachdrach.

Cuir ris an t-siùcar agus am flùr agus obraich seo le do làimh. Chì thu gu bheil e deiseil nuair a thig e air falbh bho thaobh a’ bhobhla. 

Geàrr dheth an treas cuid dhen taois agus cuir gu dara taobh i. Rolaig an còrr a-mach eadar dà phìos clingfilm ach am bith e cho tiugh ri not. Cuir seo ann an soitheach paidh 10 òirlich agus brùth e sìos gus nach bi builgein aer ann. Fill na h-oire le do chorraig mus toir thu dha suathadh de ghealagain uighe.  Bruich am paidh falamh son dhà na trì mhionaidean.

Rolaig a-mach an còrr dhen taois a chur thu gu dara taobh eadar dà phìos clingfilm agus cuir dhan fhuaradair e.

Airson an lìonadh leagh an t-silidh agus an t-siùcar còmhla mus cuir thu ann am min-maoise air a mheasgachadh le drùdhag bheag uisge. Ris a sin cuir am brìgh is na measan agus cuir mun cuairt. Dòirt seo dhan chèise phaidh.  

Airson mullach na paidh bheir a-mach am pìos taoise eile bhon fhuaradair agus geàrr i na pìosan fada caol taoise. Sìn iad seo air muin a lìonadh le cumadh snìomhach neo ann an cumadh sam bith a chòrdas riut. Suath am paidh le beagan uighe air a bhualadh, agus crath siùcar ruadh air.

Bruich san àmhainn aig 200C airson 20 mionaid.  Às dèidh sin cuir teas na h-àmhainne sìos gu 180C agus bruich airson 20 mionaid eile.

Taois
6 unnsa flùr plèan
2 unnsa flùr a dh’èireas
2 unnsa siùcar còmhdach
4 unnsa ìm
1 buidheagan uighe
1 spàin-bùird sùgh liomaine

³¢Ã¬´Ç²Ô²¹»å³ó
4 ùbhlan ithe (air an rùsgadh is air an gearradh)
1½ caineal
2 unnsa siùcar mìn

Còmhdach phronnagach
8 unnsa flùr plèan
6 unnsa siùcar mìn
4 unnsa ìm

Airson na taoise cuir am flùr gu lèir agus an t-siùcar còmhdach tro shìolachan ann an inneal-measgachaidh. Cuir ann an t-ìm agus cuir mun cuairt ach am bi e coltach ri mìrean arain. Buail an t-ugh agus an t-sùgh liomaine ri chèile agus dòirt dhan inneal-measgachaidh beag air bheag – dìreach gu leòr airson a thoirt ri chèile na bhall. Rolaig an uairsin an taois gus an lìon i air soitheach 9 òirlich tarsainn. Sgioblaich.   

Bruich na h-ùbhlan ann am pana le 2 spàin-bùird uisge, an t-siùcar agus a’ chaineal airson 5 mionaidean.

Airson a chòmhdach phronnagach cuir ri chèile am flùr agus an t-siùcar agus suath an t-ìm a-staigh. Ach am bi e coltach ri mìrean arain.

Mu dheireadh dòirt na h-ùbhlan dhan chèis taoise agus crath a chòmhdach phronnagach air am muin.

Bruich san àmhainn aig teas 150C airson leth uair.   

85g ìm air a leaghadh
140g flùr a dh’èireas
100g siùcar mìn òr
1 spàin-bùird pùdair fuine
200ml bainne
1 ugh air a bhualadh
1 spàin-tì brìgh faoneige
2 ubhal còcaireachd 
140g siùcar dorcha ruadh
50g cnòthan pecan air an gearradh

An toiseach rùisg na h-ùbhlan agus geàrr ann an slisean tana iad. Cuir ann am bonn soitheach 2L iad.

Ann am bobhla eile cuir am flùr, an t-siùcar, am pùdair fuine agus craiteachan salainn tro shìolachan.

Ann am bobhla eile tha an t-ìm, am bainne, an t-ugh agus am brìgh ga chur ri chèile. Cuir seo uile mun cuairt le na nithean tioram agus buail iad gus am bith e uachdrach. Dòirt air muin nan ubhal.

Ann an siuga leagh an t-siùcar le 250ml uisge goileach. Dòirt seo air muin a mhìlsean agus sgap na cnòthan air uachdar.   

Bruich san àmhainn aig teas 180C airson 40 mionaid.