Â鶹Éç

Tha Mgr Earraig Kwiechien a cheart cho cofhurtail a’ gabhail an aifreann anns a' Ghàidhlig ‘s a tha e na chànan mhàthaireil, Pòlainnis. Mar fhear a rugadh ‘s a thogadh ann an ceann a tuath na Pòlainn, tha e a cheart cho fileanta ann an Gàidhlig na h-Alba ri daoine às na h-eileanan agus sgìrean Gaidhealach.

Rugadh Jarek Kwiechien, neo Mgr Earraig, ann am baile Koszalin air a’ chosta Bhaltaigeach ann an ceann a tuath na Pòlainn, agus ghabh e ùidh ann an Alba nuair a bha e a’ treanadh anns an Ròimh 's a fhuair e e fhèin a’ fuireach ann an Colaiste na Sagartachd neo Scots College an sin, às dèidh a bhith air a shàrachadh a’ lorg àite fuirich. Agus b’ e seo toiseach-tòiseachaidh, mar a thuirt e fhèin, air a' ghaol a th’ aige air Alba an-diugh.