Â鶹Éç

Cae – Theatr Breuddwydion
Y bêl yn sownd i’w draed wrth ddriblo’n chwim
drwy goesau hurt y lleill cyn saethu’i gôl,
mae’r bychan fel ei rieni’n deall i’r dim
fod ganddo’r ddawn a’i ceidw o’r ciw dôl.

Wrth estyn y bêl eto o gefn y rhwyd,
mae’r bychan boldew wedi sori’n bwt
ac yn dyheu am alwad mam at fwyd
i’w arbed rhag y dirmyg yn y cwt.

Tu ôl y gôl yn pwyso ar ei ffyn,
heb gicio pêl erioed â’i goesau cam,
mae’r bychan eiddil eto’n gwylio’n syn
at gamp y ddau cyn adrodd wrth ei fam.....

a deigryn honno’n cofio fel erioed
fod mwy rhwng camp a champ yn ddeuddeg oed.

Eifion Lloyd Jones
9.5