Â鶹Éç

Muilnean agus Uachdarain

Tha Fionnlagh ag innse mun cheangal a bha eadar muilnean agus uachdarain. (Le taing do Graham Moireasdan airson na dealbhan de Mhuileann Gharraboist)

Fionnlagh: Bha aon chòig dhiubh ann a' Leòdhas.

Cha robh còir dhi a bhith ann an Garrabost idir, gu h-annasach.

¹ó±ôò°ù²¹¾±»å³ó: Carson a bha sin?

Fionnlagh: Bha, an toiseach, 's ann a' Steòrnabhagh a bha i, a' mhuileann mhòr. Agus chaidh i na teine. Agus Lady Matheson an àigh, tha, bidh daoine uaireannan ag ràdh cho math 's a bha Sir Seumas 's a bhean, ach cha leigeadh i dhan a' mhuileann a bhith air a togail a-rithist a-staigh air còraichean a' Chaisteil.

Tha mi creids' gur e goiriseachadh gun deigheadh i faisg air an cunnart a bha na cois. 'S chaidh toirt ùine mhòr a' bruidhinn air gur ann chun Na Lochan a bu chòir dhi a dhol, bhon cha robh, agus chan eil, muileann dhe seòrsa air Na Lochan.

Agus theab i bhith air Na Lochan, 's bha tòrr choinneamhan ann. Cha mhòr nach robh uiread 's a bha mu dheidhinn a' sgoil a tha iad a' togail an-dràsta.

Ach, tha, cha d'fhuair Na Lochan i, 's chaidh i a Gharrabost. 'S cha b' e àite math a bh' ann an Garrabost. Cha robh bùrn gu leòr ann, agus cha robh an dam math. Agus mar a chuala tu, bhris e.

Ach chan eil mi cinnteach a robhas a' cleachdadh an dam suas chun an àm a bhris e, no na sguir iad gu tur ga chleachdadh nuair a thàinig an t-einnsean.

Nise, tha an t-einnsean fhèin, tha e sònraichte. Cha mhòr nach bu chòir prògram a dhèanamh air, bhon 's e aon phiston mòr a th' ann, mar a chunna tu. Agus tha an t-einnsean fhèin annasach.

'S ann le na h-uachdarain mar bu tric a bha na muilnean mòra a bha sin, no le luchd an taca. Agus bha aig luchd an àite ri pàigheadh min air a shon, rud nach robh le na muilnean beaga a bh' as a' bhaile fhèin.

'S nuair a bha thu a-mach air a' chasg bheag, a' lìpidh, eil fhios agad, 's ann à sin as an t-seann aimsir a bha am muillear a' faighinn a chuid.

Bha an croitear bochd a' faighinn na h-uiread, 's an uair sin bhathas a' cur ann am poca a' mhuilleir, agus, ann an eachdraidh, mar tha fios agad, 's ann an dualchas, bhathas an-còmhnaidh a' faireachdainn gu robh am muillear a' dol ann am muinichill na bha tighinn chun na muilne.