Â鶹Éç

Leabhar Fiosrachaidh: Seumas Frangan Stiùbhart no an "Old Pretender"

Rugadh 1688. Bhàsaich 1766.

B’ e mac Seumas VII na h-Alba (Seumas II Shasainn) a bh’ ann an Seumas Frangan. Anns a’ Bheurla fhuair Seumas Frangan am far-ainm "Old Pretender" airson gur e tagraiche a bh’ ann airson crùintean Shasainn agus na h-Alba. Bha cuid den bheachd nach robh còir aige a ràdh gur esan fìor rìgh Shasainn agus na h-Alba.

• Thug Pàrlamaid Shasainn air athair, Seumas II, an dùthaich fhàgail ann an 1688.
• Thàinig Prionnsa Duitseach, Uilleam à Orainds, na Rìgh air Sasainn agus na h-Alba.
• Dh’ fheuch Seumas Frangan an crùn fhaighinn air ais do athair ann an 1715 ach dh’fhàillig an t-Ar-a-mach aige.
• Bha cuid an aghaidh nan Stiùbhartach airson gu robh eagal orra gun atharraicheadh iad creideamh na dùthcha. Bha creideamh uabhasach cudromach aig an àm ud.
• Bha na Stiùbhartaich a’ creidsinn gu robh còir aca bho Dhia a bhith nan rìghrean agus nach feumadh iad èisteachd ri duine sam bith.
• Bha na daoine a thug taic do Sheumas Frangan den bheachd gum bu chòir dha a bhith na rìgh airson gur e mac Sheumais II a bh’ ann. Cha robh iad idir toilichte gur e nighean Sheumais VII fhèin agus am fear pòsta Duitseach aice, Uilleam, a bha a’ riaghladh na h-Alba agus Sasainn!