Â鶹Éç

Available for over a year

Roedd lawnt Ronald Wyn fel bwrdd snwcar, bob gwelltyn yn boenus o hardd Ond gwelodd, un bore dydd Gwenar, ddau dwmpath o bridd yn yr ardd. Yn brydlon gosododd y trapiau.Y Twrch wthiodd bric i bob un. Roedd teirgwaith yn fwy o dwmpathau pan wawriodd hi fore dydd Llun. Am fisoedd bu Ron drwy’r nosweithiau yn stelcio’n yr ardd efo rhaw Yn stwffio Drain Duon i’r tyllau a gwydrau ‘di’w malu i’r baw. Yn raddol fe wariodd o ffortiwn wrth drio cael gwared o’r diawl A rhaid oedd anghofio’r ecstensiwn a gwyliau mis Awst ym Mhorthcawl Dirywiodd yr ardd yn sylweddol.Edrychai fel Dwyrain Berlin Efo llu o dwmpathau bach heriol yn codi fan draw a fan hyn R’ol pori dros ddegau o dapiau o’r camera C.C.T.V. Aeth ati o ddifri i’w ddifa a chanddo fo arfau di-ri. Fe wnaethant eu gwaith yn rhagorol, (y petrol, y nwy a’r harpŵn) A’r cyrff a bentyrai’n wythnosol yn gathod, cwningod a chŵn. Er gwaetha’r holl drais a’r llofruddio y twrch oedd yn glud dan y gro A Ron a ddiflanodd dan grio i’r Cwt Pen Draw’r Ardd o dan glo Daeth allan gan ollwng glyfeirion.Mewn sach ar ei gefn yr oedd bom Adawodd y cwt yn grybibion a’r ardd fel golygfa o’r Somme Mae Ron erbyn hyn yn y ddaear ond ni chaiff o orffwys mewn hedd O’r herwydd fod twrch bach ymffrostgar ‘di symud drws nesa’ i’w fedd. Jos 10