Â鶹Éç

Available for over a year

Mae carnedd goch uwchben y ffordd yn Stiniog newydd iti ddod drwy’r bwlch a throi at lechi’r dre: ôl bŵts y milwyr beichiog ddaeth yn ôl o ryfel gynt a rhoi i faw y ffosydd ffling a lluch i hoelion gorymdeithio – o’r rheng, yn ddynion rhydd. Chwedl ffol, yn ôl hanesydd lleol: sbarion lledr o ffatri sgidiau plant rhyw ddydd. Ond mae hi’n stori fyw, croen tir yn yn gofeb lafar gwlad i graith tu hwnt i hud a glesni Mai; a thomen o gasineb milwyr at y drefn o drampio’r byd, a’u nerth o deimlo’u bro o dan eu gwadnau, gwich giât, a chroesi’r trothwy’n nhraed eu sanau. Myrddin ap Dafydd 10