Â鶹Éç

Ceud Furan 's Ceud Fàilte

Òran air a sgrìobhadh le: Gun Urra agus air a sheinn le: Catrìona NicGill-Eain.

This is a song written by: Gun Urra and sung by: Catrìona NicGill-Eain.

Facail an Ã’°ù²¹¾±²Ô / Song Lyrics

Cuspair an Ã’°ù²¹¾±²Ô - Clann 'ic Fhionghain an t-Srath

'S e seo, mar a chuir athair an t-seinneadair, am bàrd Somhairle Mac Gill-eain e, air program Gàidhlig a' BhBC air 27/01/49, "Seann òran Sgitheanach a ghlèidh piuthar m' athar agus nach cuala mise ach bho fheadhainn a dh'ionnsaich e bhuaipe-se. Tha mi den bharail gu bheil e soilleir àlainn air dòigh iongantach."

Chaidh 'Ceud Furan 's Ceud Fàilte' a dhèanamh do nighean oighre Srath Shuardail, nighean le MacFhionghain an t-Srath, san Eilean Sgitheanach.

Tha an ceangal a tha aig Clann 'ic Fhionghain ri Srath Shuardail a' dol air ais linntean mòra. A' sgrìobhadh an 1841, bha an t-Urramach Iain MacFhionghain a' cumail a mach gu robh an sgìre "known to have been populated by the MacKinnons since 1354."

Bha Clann 'ic Fhionghain daonnan fo bhratach Dòmhnallaich an Eilein Sgitheanaich. Shabaid iad còmhla riutha an aghaidh Cromwell agus bha iad aig blàr Worcester. Bha mu cheud gu leth dhiubh air taobh nan Seumasach aig Blàr Sliabh an t-Siorram, 's mar thoradh air a' sin chaidh an oighreachd a thoirt bhuapa. Chaidh a cheannach air ais dhan teaghlach ann an 1723.

Ach thàinig iad a-mach a-rithist air taobh a' Phrionnsa ann an 1745 agus chuidich an ceann cinnidh agus fear eile dhiubh, Caiptean Iain Ealghol, am Prionnsa Teàrlach nuair a bha e fon choill anns an Eilean. Fhuair iad le chèile am prìosan airson seo.

Ann an 1765 chaidh an oighreachd a cheannachd le Dòmhnallaich Shlèite.

'S ann do Chlann 'ic Fhionghain an t-Srath cuideachd a bhuineadh am bàrd Lachlan Mac Theàrlaich Òig.

Seinneadairean / Performers